वक्फ बोर्डावर गैरमुस्लिम नाहीच, केवळ भ्रष्टाचार थांबवणे हाच उद्देश
नवी दिल्ली, 2 (एमएमसी न्यूज नेटवर्क) : वक्फ संपत्तीच्या देखभालीसाठी विधेयक आहे.मात्र विरोधक व्होट बँकेसाठी वक्फबाबत संभ्रम पसरवत असल्याचा आरोप गृहमंत्री अमित शहा यांनी काँग्रेस वर केला.
अमित शहा यांनी लोकसभेत स्पष्ट केले की, नवीन कायद्यानुसार वक्फ बोर्डावर कोणत्याही गैर-मुस्लिम व्यक्तीची नियुक्ती केली जाणार नाही. विरोधकांवर निशाणा साधत अमित शहा म्हणाले की, तुम्ही लोक तुमच्या मिथकांनी देश तोडाल. वक्फ बोर्डात सुरू असलेला भ्रष्टाचार थांबवण्यासाठी हे विधेयक आहे.
तसेच वक्फ सुधारित विधेयकावर चर्चेदरम्यान लोकसभेत दोन्ही शिवसेना आमनेसामने आल्या. सुरूवातीला शिवसेना उद्धव ठाकरे पक्षाकडून अरविंद सावंत यांनी आपली भूमिका मांडली. लगेच शिवसेनेचे खासदार श्रीकांत शिंदेंनी बोलण्यास सुरूवात केली. त्यांनी सावंतांच्या भाषणाचा चांगला समाचार घेतला.
श्रीकांत शिंदे म्हणाले की,बाळासाहेब ठाकरे जिवंत असते तरी उभाटा ने वक्फ विधेयकाचा विरोध केला असता का?, असा प्रश्न विचारत उभाठा खासदारांचा चांगलाच खरपूस समाचार घेतला. वक्फ दुरुस्ती विधेयकावर लोकसभेत झालेल्या चर्चेदरम्यान शिवसेना खासदार श्रीकांत शिंदे म्हणाले की, शिवसेना आणि माझे नेते एकनाथ शिंदे यांच्या वतीने या विधेयकाला माझा पूर्ण पाठिंबा आहे. हा ऐतिहासिक आणि महत्त्वाचा दिवस आहे. ते म्हणाले की आधी कलम 370, नंतर तिहेरी तलाक आणि सीएए तसेच आता हे विधेयक गरीबांच्या कल्याणासाठी या सभागृहात आणले आहे. ते म्हणाले की, हे विधेयक तुष्टीकरणासाठी नसून प्रगतीसाठी आहे. हे राष्ट्रासाठी आहे, कोणत्याही विशिष्ट धर्माच्या बाजूने किंवा विरोधात नाही. तर अनुराग ठाकूर म्हणाले की, नवीन कायदा कॉंग्रेसच्या शांततेच्या राजकारणाच्या शवपेटीतील शेवटचा खिळा असल्याचे सिद्ध होईल.
शिवसेना उद्धव गटाचे खासदार अरविंद सावंत म्हणाले की तुम्ही वक्फ बोर्डात गैर-मुस्लिम सदस्यांना आणत आहात. मला भीती वाटते की तुम्ही मंदिरांच्या मंडळात एका गैर-हिंदूला आणाल. जर असे केले तर आम्ही त्याचा विरोध करू. हे नंतर ख्रिश्चन, शीख आणि जैन धर्मातही घडू शकते. हा धार्मिक विषय आहे, तो सरकारचा विषय कसा असू शकतो?, असा प्रश्न सावंत यांनी विचारला.
त्यानंतर राष्ट्रवादी काँग्रेस शरदचंद्र पवार पक्षाचे खासदार निलेश लंके म्हणाले की, 370 रद्द करण्यात आले, आम्ही त्यांचे अभिनंदन केले.
VB/ML/SL
2 April 2025
