चार लाखांना तरुणीची विक्री केल्याची धक्कादायक घटना
मुंबई, दि. 9 (एमएमसी न्यूज नेटवर्क) : पुणे जिल्ह्यातील विवाहित तरुणीवर मिरज व जमखंडी येथे सामूहिक बलात्कार करून तिची कर्नाटकात चार लाखांना विक्री केल्याची धक्कादायक घटना घडली आहे. याप्रकरणी येथील गांधी चौक पोलिस ठाण्यात तीन महिलांसह ११ जणांवर गुन्हा दाखल करण्यात आला असून मिरजेतील सात जणांना अटक करण्यात आली आहे.
मोहम्मद हुसेन ऊर्फ मच्छर हनी सिंग मोहम्मद गौर शेख, अबुजा फारुख जमादार, महंमद साजीश शमशुद्दीन मुल्ला, महम्मद ऊर्फ सर्व शेरखान फकीर, खालीद मुबारक कोरबू, त्यांना मदत करणारे जुबेद ऊर्फ कपाला शब्बीर शेख, संतोषी नाशिककर ऊर्फ किरण फकीर (रा. मिरज) यांच्यासह त्यांना मदत करणाऱ्या एका महिलेस अटक करण्यात आली आहे.
पुण्यातील विवाहित तरुणी तिच्या आई-वडिलांना भेटण्यासाठी कऱ्हाडला रेल्वेने निघाली होती.रेल्वेत झोप लागल्याने कऱ्हाड येथे न उतरता ती मिरजेत उतरली. मिरजेतून परत कऱ्हाडला जाण्यास लवकर रेल्वे नसल्याने ती मिरज रेल्वे स्टेशनच्या बाहेर आली. दुर्दैवाने याच काळात हनीसिंग या नावाने ओळखल्या जाणाऱ्या मखर नावाच्या व्यक्तीने आणि त्याच्या मित्राने तिचा गैरफायदा घेत निर्जन परिसरात तिच्यावर लैंगिक अत्याचार केला. मारहाणीनंतर पाच जणांनी पीडितेला बळजबरीने रोखून अत्याचार केले. शिवाय, एका गुन्हेगाराने तिला रेल्वे पुलाजवळ एका कामगाराच्या खोलीत बंद केले आणि तिच्यावर पुन्हा बलात्कार केला. त्यानंतर मिरजेतील महिलेच्या मदतीने आरोपींनी तिला कर्नाटकातील जमखंडी येथे नेले आणि तिच्यावर आणखी एक सामूहिक बलात्कार केला. त्यानंतर आरोपींनी तिला जमखंडी येथील दोन महिलांच्या मदतीने चार लाखांना विकून तिच्याशी जबरदस्तीने लग्न केले.
The shocking incident of selling a young woman for four lakhs
ML/KA/PGB
9 Feb 2024
