कोरियन सिरिज ‘स्क्विड गेम’ दुसरा सीझन लवकरच प्रेक्षकांच्या भेटीला
मुंबई, दि. २२ (एमएमसी न्यूज नेटवर्क) : जगभरातील OTT प्लॅटफॉरम सहज उपलब्ध झाल्यामुळे भारतीय रसिकांना आता मनोरंजनासाठी जागतीक व्यासपीठ खुलं झालं आहे. त्यामध्ये विशेषत: कोरियन सिरिज भारतीय तरुणाईला विशेष भुरळ घालत आहेत. कोरियाचा जगभर सर्वाधिक सगळ्यात गाजलेल्या ‘स्क्विड गेम’ (Squid Game Season 2 ) या सीरिजला मात्र जगभरातून प्रेम मिळालं. या सीरिजचा पहिला सीझन रिलीज झाल्यानंतर प्रेक्षक या सीरिजच्या दुसऱ्या सीझनची आतुरतेने वाट पाहत आहेत. आता प्रेक्षकांची प्रतीक्षा अखेर संपणार आहे. कारण लवकरच या सीरिजचा दुसरा सीझन रिलीज होणार आहे. नेटफ्लिक्सने रिलीज डेटविषयी मोठी अपडेट दिली आहे.
नेटफ्लिक्सने नुकतच सोशल मीडियावर पोस्टर शेअर केले आहे. यानुसार येत्या 26 डिसेंबरपासून ही सीरिज नेटफ्लिक्सवर स्ट्रीम होणार आहे. स्क्विड गेमचा पहिला सीझन 2021 मध्ये रिलीज झाला. या कोरियन थ्रिलर शोमध्ये मृत्यूचा खेळ दाखवण्यात आला आहे. शोचा मुख्य अभिनेता ली जंग जे याला ड्रामा सीरिजमधील मुख्य भूमिकेसाठी एमी अवॉर्डने सन्मानित करण्यात आले.
SL/ML/SL
22 Nov. 2024
