पहिला मराठी सुपरहिरो चित्रपट थिएटरमध्ये दाखल
मुंबई, दि. २४ (एमएमसी न्यूज नेटवर्क) : शक्तिमान हा मराठीतील पहिला सुपरहिरोचा चित्रपट प्रेक्षकांच्या भेटीला आला आहे.९०च्या दशकात दूरदर्शन वाहिनीवरील सर्वात लोकप्रिय मालिका म्हणून ‘शक्तिमान’ पाहिली जायची. त्या काळात शक्तिमान या पहिल्या इंडियन सुपरहिरोने अगदी लहान मुलांपासून ते थोरामोठ्यांपर्यंत सर्वांच्या मनावर राज्य केले होते. अनेक लहान मुलांनी तर शक्तिमान प्रमाणे उडण्याचा देखील प्रयत्न केला होता. आता “शक्तिमान” नावाचा एक चित्रपट मराठीमध्ये आला आहे. बाबा, तू होऊ शकतोस सुपरहिरो?” या टॅगलाईनने चित्रपटाच्या कथानकाविषयी प्रेक्षकांचे कुतूहल वाढवले आहे. एक हसमुख कुटुंब आणि आदिनाथ ने घातलेला सुपरहिरोचा लाल रंगाचा क्रेप यामुळे प्रेक्षकांच्या मनात उत्सुकता निर्माण झाली आहे
अभिनेता आदिनाथ कोठारे आणि अभिनेत्री स्पृहा जोशी ‘शक्तिमान’ या चित्रपटात एकत्र दिसणार आहेत. त्यांच्यासोबत बालकलाकार ईशान कुंटे मराठी चित्रपटसृष्टीमध्ये पदार्पण करणार आहे. “शक्तिमान“ चित्रपटातून दिग्दर्शक प्रकाश कुंटे आपल्याला काय नवा संदेश देणार आहेत याची उत्सुकता शिगेला पोहोचली आहे. यातील बालकलाकार ईशान कुंटे याचे चित्रपटातील पदार्पण असून हा दिग्दर्शक प्रकाश कुंटे यांचा मुलगा आहे.
SL/ML/SL
24 May 2024
