उद्या सुरु होणार देशातील पहिला वर्टिकल लिफ्ट समुद्री पूल
चेन्नई, दि. ५ (एमएमसी न्यूज नेटवर्क) : उद्या राम नवमीचे औचित्य साधून पंतप्रधान नरेंद्र मोदी रामेश्वरममध्ये भारतातील पहिल्या उभ्या लिफ्ट समुद्री पुलाचे उद्घाटन करणार आहेत. यावेळी पंतप्रधान इतर अनेक प्रकल्पांचेही उद्घाटन करणार आहेत. अधिकृत कार्यक्रमाच्या पूर्वसंध्येला म्हणजेच आज भारतीय रेल्वेने नवीन पांबन पुलाचा एक प्रमोशनल व्हिडिओ प्रसिद्ध केलाय. ‘पांबन पूल हे एक एक नेत्रदीपक दृश्य आहे. यात वारसा आणि नवीन तंत्रज्ञानाचे परिपूर्ण मिश्रण आहे. राम नवमीला भारतातील पहिल्या उभ्या लिफ्ट रेल्वे समुद्री पुलाचे उद्घाटन होणार आहे,अशी माहिती देण्यात आली आहे.
पांबन पूल बांधण्यासाठी एकूण 550 कोटी रुपयांपेक्षा जास्त खर्च करण्यात आलाय. पंतप्रधान नरेंद्र मोदी 6 एप्रिल रोजी दुपारी नवीन पंबन रेल्वे पुलाचे उद्घाटन करणार आहेत. यावेळी ते रामेश्वरम-तांबरम (चेन्नई) रेल्वे सेवेला हिरवा झेंडा दाखवतील. या दरम्यान तटरक्षक दलाच्या जहाजालाही हिरवा झेंडा दाखवला जाणार आहे. रामायणानुसार राम सेतूचे बांधकाम रामेश्वरमजवळील धनुषकोडी येथून सुरू झाले. नागरिकांच्या सेवेत येणारा हा नवीन पांबन पूल रेल्वे मंत्रालयाच्या अंतर्गत काम करणाऱ्या सार्वजनिक क्षेत्रातील उपक्रम, रेल विकास निगम लिमिटेडने बांधला आहे.
या प्रकल्पांअंतर्गत राष्ट्रीय महामार्ग-40 च्या 28 किमी लांबीच्या वालाजापेट-राणीपेट विभागाच्या चौपदरीकरण करण्यात येणार आहे. यासोबतच राष्ट्रीय महामार्ग-332 च्या 29 किमी लांबीच्या विलुप्पुरम-पुडुचेरी विभागाच्या चौपदरीकरण, राष्ट्रीय महामार्ग-32 च्या 57 किमी लांबीच्या पुंडियानकुप्पम-सत्तानाथपुरम विभाग आणि राष्ट्रीय महामार्ग-36 च्या 48 किमी लांबीच्या चोलापुरम-तंजावूर विभागाची पायाभरणी करण्यात येणार आहे. या पुलांचे खोल सांस्कृतिक महत्त्व आहे.
