परेश मोकाशींच्या नाच गं घुमा’ चित्रपटाचा टिझर रिलिज
मुंबई, दि. ३ (एमएमसी न्यूज नेटवर्क) : हरिश्चंद्राची फॅक्टरी, एलिझाबेथ एकादशी, आत्मपॅम्पेलट, वाळवी अशा एकाहून एक सरस चित्रपटांसाठी प्रसिद्ध असलेले दिग्दर्शक आता अजून एका नवीन चित्रपटासह सज्ज झाले आहेत.
या चित्रपटामध्ये मुक्ता बर्वे आणि नम्रता संभेराव मुख्य भूमिकेत आहेत. ‘नाच गं घुमा’ हा चित्रपट १ मे रोजी प्रदर्शित होणार आहे. अशातच या चित्रपटाचा जबरदस्त टीझर निर्मात्यांनी प्रदर्शित केला आहे२०२४ च्या सुरूवातीलाच परेश मोकाशींनी ‘नाच गं घुमा’ चित्रपटाची घोषणा केली होती. आता दिग्दर्शकांकडून चित्रपटाचा टीझर शेअर करण्यात आला आहे. नुकतेच चित्रपटाचे चित्रीकरण पूर्ण झाले असून हा चित्रपट १ मे रोजी प्रदर्शित होणार आहे. ‘प्रत्येक यशस्वी पुरुषामागे एक बाई असते आणि प्रत्येक यशस्वी बाईमागे एक कामवाली बाई असते’ या संवादाने नाच गं घुमाच्या टीझरची सुरुवात होते.
‘नाच गं घुमा’ चित्रपटाचे दिग्दर्शक परेश मोकाशी असून चित्रपटाचा निर्माता स्वप्नील जोशी आहे. या चित्रपटामध्ये मुक्ता बर्वे, नम्रता संभेराव, सुकन्या मोने, सुप्रिया पाठारे, आशा गोपाल, मधुगंधा कुलकर्णी, शर्मिष्ठा राऊत मुख्य भू्मिकेत आहे. तर या चित्रपटामध्ये बालकलाकार मायरा वायकुळही दिसणार आहे. या चित्रपटाची कथा महाराणी- परीराणीची या चित्रपटाच्या माध्यमातून प्रेक्षकांना पाहायला मिळणार आहे. स्त्रियांच्या विविध स्वभाववैशिष्ट्यांवर, गमती-जमतींवर आधारित हा चित्रपट आहे.
मुक्ता बर्वेने आपल्या अधिकृत इन्स्टाग्राम अकाऊंटवर चित्रपटाचा टीझर शेअर केला आहे. टीझर शेअर करत मुक्ताने कॅप्शनमध्ये लिहिले की, ‘महाराणी आणि परीराणीच्या विश्वात सामील व्हायला तयार आहात ना? सादर आहे ‘नाच गं घुमा’ चित्रपटाचा टीझर… हिरण्यगर्भ मनोरंजन’ निर्मित, परेश मोकाशी दिग्दर्शित ‘नाच गं घुमा’ १ मे २०२४ पासून जवळच्या थेटरात…’ मुक्ता बर्वेच्या या पोस्टला चाहत्यांनी पसंती दिली आहे.
SL/ML/SL
3 April 2024
