स्वरयोगिनी, पद्मभूषण डॉ प्रभा अत्रे यांचे निधन
पुणे, दि. १३ (एमएमसी न्यूज नेटवर्क) : किराणा घराण्याच्या ज्येष्ठ गायिका स्वरयोगिनी पद्मभूषण डॉ. प्रभा अत्रे यांचे आज (शनिवारी, १३ जानेवारी २०२४) पहाटे ३.३०च्या सुमारास हृदयविकाराच्या धक्काने पुण्यात दु:खद निधन झाले. त्या ९१ वर्षाच्या होत्या.
शनिवारी पहाटे साडेतीनच्या सुमारास त्यांचे राहत्या घरी निधन झाले. डॉ. अत्रे यांना पहाटे श्वास घ्यायला त्रास होत असल्याने त्यांना रूग्णालयात घेऊन जात होते. त्यावेळी वाटेतच हृदयविकाराचा झटका आल्याने त्यांचे निधन झाले. डॉ. प्रभा अत्रे यांची अमेरिकास्थित भाची पुण्यात आल्यानंतर मंगळवारी अंत्यसंस्कार होणार आहेत. त्यानुसार अंत्यदर्शनाची वेळ कळवण्यात येईल.
राज्यपाल रमेश बैस , मुख्यमंत्री एकनाथ शिंदे , उपमुख्यमंत्री देवेंद्र फडणवीस, अजित पवार, सांस्कृतिक कार्यमंत्री सुधीर मुनगंटीवार यांच्यासह शास्त्रीय गायक श्रीनिवास जोशी, राहुल देशपांडे , आनंद भाटे , रघुनंदन पणशीकर आदींनी त्यांच्या निधनाबद्दल शोक व्यक्त केला आहे.
ML/KA/SL
13 Jan. 2024
