एस टी घोटाळ्याची चौकशी येत्या महिनाभरात …
मुंबई, दि. १२ (एमएमसी न्यूज नेटवर्क) :एसटी म्हणजेच राज्य परिवहन महामंडळामार्फत भाडेतत्वावर बसगाड्या घेण्यासाठी निविदा प्रक्रियेचे कार्यादेश एसटी महामंडळाच्या स्तरावर संगनमत करून काढण्यात आले असं सांगत याच्या मागे कोण आहे ? याची एका महिन्यात चौकशी करून दोषींवर कारवाई करण्याची ग्वाही मुख्यमंत्री देवेंद्र फडणवीस यांनी दिली.काँग्रेसचे राजेश राठोड यांनी उपस्थित केलेल्या तारांकित प्रश्नाला ते उत्तर देत होते.
सरकार स्थापनेची तयारी सुरू असताना आणि संपूर्ण मंत्रिमंडळ अस्तित्वात नसताना तसंच मुख्यमंत्री आणि उपमुख्यमंत्र्यांनी मान्यता दिलेली नसताना या १३१० बसगाड्या घेण्यासाठी निविदा प्रक्रियेचे कार्यादेश काढण्यात आले यात सरकारचं सुमारे १७०० कोटी रुपयांचं नुकसान होत असल्याचं समोर आल्यानंतर या निविदा प्रक्रियेला स्थगिती देण्यात आली आणि या प्रकरणाची परिवहन विभागाच्या अप्पर सचिवांमार्फत चौकशीचे आदेश देण्यात आले , असं मुख्यमंत्री म्हणाले.
