त्र्यंबकेश्वर मंदिर प्रकरणी विशेष चौकशी समिती
मुंबई, दि. १६ (एमएमसी न्यूज नेटवर्क) : त्र्यंबकेश्वर मंदिर प्रकरणी चौकशी करण्यासाठी उपमुख्यमंत्री देवेंद्र फडणवीस यांनी अतिरिक्त पोलिस महासंचालक दर्जाच्या अधिकाऱ्यांच्या अध्यक्षतेत एसआयटी स्थापन करण्याचे आदेश दिले आहेत.त्र्यंबकेश्वर मंदिरात प्रवेश करण्यासाठी एक विशिष्ट जमाव मंदिराच्या मुख्य प्रवेशद्वारावर एकत्र झाल्याच्या कथित घटनेसंदर्भात एफआयआर नोंदवून अत्यंत कडक कारवाई करण्याचे आदेशही फडणवीस यांनी दिले आहेत.
ही एसआयटी केवळ यावर्षीच्या घटनेची चौकशी करणार नाही, तर गेल्यावर्षीच्या घटनेचीही चौकशी करेल, ज्यावेळी एक विशिष्ट जमाव त्र्यंबकेश्वर मंदिर परिसरात मुख्य प्रवेशद्वारातून आतमध्ये शिरल्याची कथित घटना घडली होती. यावर्षी या घटनेची पुनरावृत्ती झाली आहे. याप्रकरणी त्वरीत चौकशी करून दोषींवर कठोर कारवाई करण्याची मागणी मंदिराच्या विश्वस्त आणि पुरोहित मंडळींनी केली होती.
ML/KA/SL
16 May 2023
