अकोला जिल्ह्यात भीषण अपघातात,सहा जणांचा मृत्यू

अकोला, दि. ३ (एमएमसी न्यूज नेटवर्क) : अकोला वाशिम महामार्गावरील पातूर घाटात दोन कारच्या समोरासमोर धडकेत सहा जणांचा मृत्यू झाला असून यामध्ये दोन चिमुकले असल्याची माहिती आहे. अकोला वाशिम महामार्ग वरील चारपदरी मार्गावर काही ठिकाणी रस्त्याचे काम सुरू आहे, त्यामुळे काही ठिकाणी वाहतूक एकाच रस्त्यावर वळविण्यात आली होती, त्यामुळेच हे दोन्ही वाहन एकाच रस्त्यावर समोरासमोर आल्याने भीषण अपघात घडला आहे.

यामध्ये सहा जणांचा मृत्यू झाला असून मृतकांमध्ये आमदार किरण सरनाईक यांच्या पुतण्याचा समावेश आहे. मृतकांमध्ये रघुवीर अरुण सरनाईक, अस्मिता अजिंक्य आमले,शिवानी अजिंक्य आमले ,सिद्धार्थ यशवंत इंगळे ,शंकर ठाकरे सुमेध इंगळे यांचा समावेश आहे, तर या अपघातात तीन लोक गंभीर जखमी झाले आहेत. पुढील तपास पातूर पोलीस स्टेशन करीत आहे.

ML/ML/SL

3 May 2024