श्री तुळजाभवानीची भवानी तलवार अलंकार महापूजा

धाराशिव, दि. २१ (एमएमसी न्यूज नेटवर्क) : महाराष्ट्राची कुलस्वामिनी, महाराष्ट्रातील देवीच्या साडेतीन शक्तीपीठांपैकी आद्यपूर्ण पीठ असलेल्या तुळजापूर इथल्या श्री तुळजाभवानी मातेच्या मंदिरात शारदीय नवरात्र महोत्सवात शनिवारी सातव्या माळेच्या दिवशी श्री तुळजाभवानी देवीची भवानी तलवार अलंकार महापूजा मांडण्यात आली.

श्री तुळजाभवानीची आज नित्योपचार पुजा आणि अभिषेक पूजेनंतर भवानी तलवार अलंकार महापूजा मांडण्यात आली.श्री छत्रपती शिवाजी महाराज यांना धर्म रक्षणासाठी श्रीतुळजाभवानी मातेने प्रसन्न होऊन आपल्या हाताने भवानी तलवार देऊन आशीर्वाद दिला म्हणून या दिवशी श्रींस महाअलंकार घालण्यात येऊन छत्रपती भवानी तलवार देत आहे,ही अवतार पूजा मांडण्यात येते.

काल रात्री श्री देवीची छबिना मिरवणूक सिंह वाहनावरुन काढण्यात आली. उद्या 22 ऑक्टोबर रोजी श्री तुळजाभवानी देवीची महिषासूर मर्दिनी अलंकार महापूजा मांडण्यात येणार आहे.

ML/KA/SL

21 Oct. 2023