२९ सप्टेंबरपासून पुणेकर करतील शिवाजीनगर ते स्वारगेट मेट्रोने प्रवास;पंतप्रधान नरेंद्र मोदींच्या हस्ते लोकार्पण सोहळा.
मुंबई, दि. 27 (एमएमसी न्यूज नेटवर्क) : पुण्यातील मेट्रो प्रवासाच्या प्रतीक्षेत असलेल्या नागरिकांसाठी २९ सप्टेंबर हा महत्त्वाचा दिवस ठरणार आहे. शिवाजीनगर ते स्वारगेट मेट्रो मार्गाचे उद्घाटन पंतप्रधान नरेंद्र मोदी यांच्या हस्ते होणार आहे. या भूमिगत मेट्रो मार्गामुळे पुणेकरांना शहराच्या मध्यवर्ती भागात वेगवान आणि सोयीस्कर प्रवासाची सुविधा मिळणार आहे. पंतप्रधान मोदींच्या हस्ते या मेट्रो मार्गाचे उद्घाटन करण्यात येणार असल्याने या घटनेला विशेष महत्त्व प्राप्त झाले आहे.
शहरातील वाढत्या वाहतुकीच्या समस्यांवर उपाय म्हणून मेट्रो प्रकल्प महत्त्वाचा ठरणार आहे. मेट्रो मार्ग सुरू झाल्यामुळे शिवाजीनगर, स्वारगेट आणि अन्य ठिकाणांवरील प्रवासाचा वेळ कमी होणार आहे. मेट्रो प्रकल्पाचे हे काम पूर्ण झाल्याने पुणे शहरात वाहतुकीची मोठी समस्या सोडवली जाणार आहे.
PGB/ML/PGB
27 Sep 2024
