वादळीवाऱ्यानी शेतकऱ्याचे शेडनेट गेली उडून, लाखो रुपयांचे नुकसान…
जालना, दि. २६ (एमएमसी न्यूज नेटवर्क) : जिल्ह्यातल्या भोकरदन तालुक्यातील वडोद तांगडा, वालसावंगी, धावडा, विझोरा या परिसरात जोरदार वादळी वाऱ्यासह पावसाने हजेरी लावली. या अचानक झालेल्या वादळी वाऱ्यासह पावसामुळे शेतकरी राजा पुन्हा संकटात सापडलाय. वडोद तांगडा येथील वालसावंगी शेत शिवारात शेतकऱ्यांनी उभे केलेले शेडनेट हे या जोरदार वादळी वाऱ्यामध्ये जमीन दोस्त झालंय. रामदास तांगडे असं नुकसान झालेल्या शेतकऱ्याच नाव असून त्यांचं लाखो रुपयांचे नुकसान झालं. दरम्यान अवकाळी पावसामुळे झालेल्या या नुकसानीची मदत मिळण्याची मागणी त्यांनी केली आहे.
ML/ML/SL
26 May 2024
