शशी थरुर यांच्या मुलालाही करावा लागला अमेरिकेत Layoff चा सामना
मुंबई, दि. ५ : अमेरिकेत राष्ट्राध्यक्ष ट्रम्प यांच्या विविध धोरणांमुळे नोकरी व्यवसायांमध्ये मोठे बदल होत आहेत. अनेक कंपन्या कर्मचारी कपातीचा निर्णयही घेत आहेत. याचा मोठा फटका भारतीयांना बसत आहे. काँग्रेसचे ज्येष्ठ नेते शशी थरूर यांचा मुलगा इशानलाही या कर्मचारी कपातीचा म्हणजेच Layoff चा फटका बसला आहे. त्याने स्वतः पोस्ट लिहून हे जाहीर केले आहे.
ईशान थरूर हा अमेरिकन वृत्तपत्र द वॉशिंग्टन पोस्टमध्ये पत्रकार म्हणून काम करीत होता. ईशानने एक पोस्ट करीत आपलं दु:ख व्यक्त केलं आहे. ईशान थरूर याच्यासह अनेक पत्रकारांनाही द वॉशिंग्टन पोस्टने नोकरीवरुन काढलं आहे. ईशानसह ३०० जणांना नोकरीवरुन काढून टाकण्यात आलं आहे. वॉशिंग्टन पोस्ट या वृत्तपत्र संस्थेने मोठ्या संख्येने कर्मचाऱ्यांच्या कपातीची घोषणा केली आहे. ज्याचा थेट परिणाम आंतरराष्ट्रीय कव्हरेज आणि स्पोर्ट्स डेस्कवर झाला आहे.
काल ईशान थरूरसह अनेक कर्मचाऱ्यांनी सोशल मीडियावर भावुक करणारा मेसेज शेअर केला आहे. ज्यामध्ये त्यांनी जगातील सर्वात प्रभावशाली वृत्तसंस्थांपैकी एक असलेल्या या कर्मचारी कपातीला ‘दुःखद क्षण’ असं वर्णन केलं आहे. सोशल मीडियावर एक्सवरील पोस्टमध्ये ईशान थरूरने लिहिलंय, वॉशिंग्टन पोस्टच्या अधिकांश इंटरनॅशनल कर्मचाऱ्यांना नोकरीवरुन काढून टाकल्यानंतर ते अत्यंत निराश झाले आहेत. त्यांनी लिहिलंय, आज मला वॉशिंग्टन पोस्टमधून काढून टाकण्यात आलं आहे. मी अत्यंत दुखी आहे. जवळजवळ १२ वर्षांपासून माझे मित्र आणि सहकारी असलेले संपादक आणि पत्रकारांसोबत काम करणे हा एक सन्मान होता. दुसऱ्या पोस्टमध्ये त्यांनी रिकाम्या न्यूजरूमचा फोटो शेअर केला आणि लिहिलंय, ‘एक वाईट दिवस.’
SL/ML/SL
