शाहू महाराज यांनी घेतली जरांगे पाटील यांची भेट
जालना, दि. ३१(एमएमसी न्यूज नेटवर्क) : कोल्हापूरचे श्रीमंत छत्रपती शाहू महाराज यांनी आज अंतरवाली सराटी येथे येऊन मराठा आरक्षणासाठी उपोषण करणारे मनोज जरांगे यांची भेट घेतली. मनोज जरांगे यांच्या उपोषणाचा आजचा सातवा दिवस असून त्यांची तब्येत चांगली नसल्यामुळे छत्रपतींनी त्यांना पाणी पिण्याचा आग्रह केला आणि त्यांच्या भावनेचा कदर करत मनोज जरांगे यांनी पाण्याचे दोन घोट घेतले.
दरम्यान यावेळी बोलतांना छत्रपती शाहू महाराज यांनी मराठा समाजाला संयम पाळून आत्महत्या आणि कुठेही उग्र स्वरूपाचे आंदोलन न करण्याचे आवाहन केले आहे. मनोज जरांगे यांच्या कडक अमरण उपोषणाला श्रीमंत छत्रपती शाहू महाराज यांनी आपला पाठिंबा दर्शवत त्यांना आग्रह करत पाण्याचे दोन घोट पिऊ घातले.
ML/KA/SL
31 Oct. 2023
