सर्पमित्रांना मिळणार 10 लाखांचा अपघात विमा
मुंबई, दि. २४ : आपला जीव धोक्यात घालून विषारी सापांना पकडण्याचं काम सर्पमित्र करतात. लोकांचा जीव वाचवण्याबरोबरच ते सापांना त्यांच्या अधिवासात सोडून पर्यावरण रक्षणाचे कामही करतात. सापाने दंश केल्यामुळे सर्पमित्रांना आपला जीव गमवावा लागतो. मात्र आता सर्पमित्रांना १० लाखांचा अपघात विमा देण्याची तयारी महायुती सरकारने सुरू केली आहे, तसंच ‘फ्रंटलाइन वर्कर’चा दर्जा दिला जाईल, याबद्दल महसूलमंत्री चंद्रशेखर बावनकुळे यांनी मुख्यमंत्री देवेंद्र फडणवीस यांच्याकडे शिफारस केली आहे.
ग्रामीण भागात वन्यजीव आणि मानवी संघर्ष कमी करण्याच्या दृष्टीने, विशेषतः सर्पांच्या धोका टाळण्यासाठी प्रयत्नरत सर्पमित्रांच्या सेवांचा आदर करण्यासाठी एक महत्त्वाकांक्षी उपक्रम सुरु केला जात आहे. लवकरच या कार्यकर्त्यांना अधिकृत ओळखपत्रासोबत १० लाख रुपयांचा अपघात विमा प्रदान केला जाणार आहे.
सरकारी अधिकाऱ्यांद्वारे सुरुवातीपासूनच प्रस्तावित या उपक्रमात, सर्पमित्रांना ‘अत्यावश्यक सेवा’ आणि ‘फ्रंटलाइन वर्कर’च्या दर्जाने मान्यता देण्यात येत असून, महसूलमंत्री चंद्रशेखर बावनकुळे यांनी माहिती दिली. ‘या बाबतीत मुख्यमंत्री देवेंद्र फडणवीस यांच्याकडे शिफारस करण्यात येणार आहे. या शिफारशीमुळे या सेवा कार्यकर्त्यांना अधिकृत आणि मान्यताप्राप्त दर्जा प्राप्त होईल, ज्यामुळे त्यांच्या सामाजिक आणि आर्थिक सुरक्षेची खात्री होईल’ असं बावनकुळे म्हणाले.
SL/ML/SL
