चितळे बंधूंच्या पुण्यातील दुकानावर दरोडा

पुणे, दि. 27 (एमएमसी न्यूज नेटवर्क) : पुणे शहर आणि परिसरात गेल्या काही दिवसांपासून चोरांचा धुमाकूळ वाढला आहे. ऐन दिवाळीच्या तोंडावर प्रसिद्ध मिठाई विक्रेते चितळे बंधू मिठाई वाले यांच्या दुकानावर दरोडा पडला आहे. औंध-बाणेर रस्त्यावरील दुकानावर दरोडा टाकला आहे. दुकानाचे शटर उचकटुन चोरट्यांनी रोख व काही साहित्य लंपास केले आहे. ही घटना सीसीटीव्हीत कैद झाली आहे.

पोलिसांनी दिलेल्या माहितीनुसार शनिवारी रात्री चोरट्यांनी औंध-बाणेर रस्त्यावरील असलेले चितळे बंधु मिठाईवाले दुकानाचे शटर उचकटले. यानंतर, चोरट्यांनी दुकानात प्रवेश करून दुकानातील गल्ला फोडून आतील रोख रक्कम लुटली आहे. ही घटना सिसीटीव्हीमध्ये कैद झाली आहे. चोरटे सर्व रक्कम घेऊन पसार झाले आहेत.

SL/ ML/ SL

27 Oct 2024