या राज्यात Reliance करणार 20 हजार कोटींची गुंतवणूक
कोलकाता, दि. २२ (एमएमसी न्यूज नेटवर्क) :काही वर्षांपूर्वी टाटा कंपनीला सळो की पळो करून राज्याबाहेर पळवून लावणाऱ्या पश्चिम बंगाल राज्यात आता रिलायन्स इंडस्ट्रीज 20 हजार कोटी रुपयांची गुंतवणूक करणार आहे.
रिलायन्स इंडस्ट्रीजचे अध्यक्ष मुकेश अंबानी यांनी नुकतीच ही घोषणा केली आहे. ही गुंतवणूक पुढील तीन वर्षांत केली जाणार आहे.
कोलकाता येथे सुरू असलेल्या ७ व्या बंगाल ग्लोबल बिझनेस परिषदेमध्ये मुकेश अंबानी म्हणाले की, “रिलायन्स बंगालच्या विकासात कोणतीही कसर सोडणार नाही. रिलायन्सने बंगालमध्ये आतापर्यंत सुमारे ४५ हजार कोटी रुपयांची गुंतवणूक केली आहे. पुढील तीन वर्षांत आम्ही २० हजार कोटी रुपयांची अतिरिक्त गुंतवणूक करणार आहोत. 20 हजार कोटी रुपयांची ही गुंतवणूक टेलिकॉम, रिटेल आणि बायो एनर्जी क्षेत्रात केली जाणार आहे.
अंबानी म्हणाले की, आम्ही 5G राज्याच्या कानाकोपऱ्यात नेत आहोत. विशेषतः ग्रामीण भागात. आम्ही बंगालमधील बहुतेक भाग कव्हर केले आहेत. जिओचे नेटवर्क राज्यातील 98.8 टक्के लोकसंख्या आणि कोलकाता टेलिकॉम सर्कलमधील १०० टक्के लोकसंख्या कव्हर करते. जिओचे मजबूत नेटवर्क पश्चिममध्ये मोठ्या प्रमाणावर रोजगार बंगाल मात्र शिक्षण, आरोग्य सेवा आणि शेतीला प्रोत्साहन देईल.
दरम्यान, बंगाल ग्लोबल बिझनेस परिषदेत पश्चिम बंगालच्या मुख्यमंत्री ममता बॅनर्जी यांनी क्रिकेटपटू सौरव गांगुलीला राज्याचा ब्रँड अॅम्बेसेडर बनवण्याची घोषणा केली. त्या म्हणाल्या, सौरव गांगुली खूप लोकप्रिय व्यक्ती आहे आणि तो तरुण पिढीसाठी अनेक प्रकारे काम करू शकतो.
मुकेश अंबानी यांनी आपल्या भाषणात रिलायन्स फाऊंडेशन पं. बंगालमध्ये सुरू असलेल्या कामाचाही उल्लेख केला. कोलकात्यातील प्रसिद्ध कालीघाट मंदिराचे जीर्णोद्धार आणि पुनरुज्जीवन हे यातील सर्वात महत्त्वाचे आहे. या शतकानुशतके जुन्या मंदिराच्या दुरुस्ती आणि सुशोभीकरणाचे काम रिलायन्स फाऊंडेशन करत आहे.
SL/KA/SL
22 Nov. 2023
