या दिवशी सुरु होणार KBC- 15 चे रजिस्ट्रेशन
मुंबई, दि. १८ (एमएमसी न्यूज नेटवर्क) : गेल्या १३ वर्षांपासून सोनी टिव्हीवरती सातत्याने लोकप्रिय ठरलेला कार्यक्रम म्हणजे कौन बनेगा करोडपती. महानायक अमिताभ बच्चन यांच्या दिमाखदार सुत्रसंचालनाने सजलेल्या या कार्यक्रमाचे आजवर १४ सिझन पार पडले असून आता KBC चा १५ वा भाग प्रेक्षकांच्या भेटीस सज्ज होत आहे. कौन बनेगा करोडपती-१५ चा मजेशीर प्रोमो नुकताच रिलीज झाला आहे. या प्रोमोमध्ये अमिताभ बच्चन हे या कार्यक्रमाच्या रजिस्ट्रेशनबाबत माहिती देताना दिसत आहेत.
सोनी चॅनलच्या इन्स्टाग्राम अकाऊंटवरुन कौन बनेगा करोडपती-15 चा प्रोमो शेअर करण्यात आला आहे. या प्रोमोमध्ये दिसत आहे की, एक मुलगी आपल्या घराच्या बाहेर एक भूयारी मार्ग तयार करते. या भूयारी मार्गातून ती थेट केबीसीच्या स्टेजवर पोहोचते. अमिताभ बच्चन यांना स्टेजवर पाहून ती खूश होते. त्यानंतर त्या मुलीला बिग बी हे केबीसीच्या हॉट सीटपर्यंत कसे पोहचायचे? याबाबत माहिती देतात. ’29 एप्रिल रोजी रात्री 9 वाजता फक्त फोन उचला आणि विचारलेल्या प्रश्नांची उत्तरे पाठवा. ‘, असं बिग बी म्हणतात. कौन बनेगा करोडपती-15 च्या प्रोमोनं अनेकांचे लक्ष वेधले आहे.
तर अशा या प्रसिद्ध शो च्या या नवीन भागात आपले नशीब आजमावण्यासाठी नक्की प्रयत्न करा.
SL/KA/SL
18 April 2023
