भारतीय मसाल्यांच्या निर्यातीत विक्रमी वाढ

मुंबई, दि.१२ (एमएमसी न्यूज नेटवर्क) : गेल्या कित्येक शतकांपासून अस्सल भारतीय मसाले जगभर प्रसिद्ध आहेत. देशात मसाल्यांचे उत्पादन वाढत आहे. तर परदेशातूनही मसाल्यांची मागणीही वाढली आहे. भारत हा जगातील सर्वात मोठा मसाल्याचा निर्यातदार देश आहे. मसाल्यांच्या निर्यातीत 30 टक्के वाढ झाल्याचे भारतीय मसाले बोर्डाच्या आकडेवारीतून समोर आले आहे. देशातील मसाल्यांच्या उत्पादनात दरवर्षी 7 टक्के आणि लागवडीखालील क्षेत्रात 4.4 टक्के वाढ झाली आहे. Record growth in Indian spice exports

मसाले बोर्डाच्या आकडेवारीनुसार, वर्ष 2005 ते 2021 या कालावधीत मसाल्यांच्या निर्यातीत 30 टक्के वाढ झाली आहे. मसाल्यांच्या जागतिक व्यापारात भारताचा वाटा 43 टक्क्यांहून अधिक झाला आहे. भारताने 2021-22 मध्ये 4.1 अब्ज डॉलर किमतीचे 1.5 दशलक्ष टन मसाले निर्यात केले. या कालावधीत उत्पादन क्षमता 1.63 टन प्रति हेक्टरवरून 2.5 टन प्रति हेक्टर इतकी वाढली. 2021-22 मध्ये 43.8 लाख हेक्टर क्षेत्रात 111.2 लाख टन मसाल्यांचे उत्पादन झाले.

Spices Board of India data has revealed a 30 percent increase in the export of spices. The production of spices in the country has increased by 7 percent annually and the area under cultivation by 4.4 percent

सर्वाधिक निर्यात झालेले मसाले
भारतातून काळी मिरी, वेलची, मिरची, आले, हळद, धणे आणि जिरे यांची सर्वाधिक निर्यात होते. गेल्या महिन्यात मसाल्यांच्या चार नवीन वाणांना, कीड नियंत्रणासाठी आठ, मिक्स पीक पद्धती आणि भाजीपाला सोबत मसाल्यांच्या वाढीस मान्यता देण्यात आली होती. जागतिक आणि देशांतर्गत मागणी पूर्ण करता येण्यासाठी चांगले बियाणे आणि तंत्रज्ञान वापरून जास्तीत जास्त उत्पादन करण्याचा सरकारचा प्रयत्न आहे. Black pepper, cardamom, chilli, ginger, turmeric, coriander and cumin are the major exports from India.

मसाला निर्यातीबाबत वाणिज्य मंत्री पियुष गोयल काही दिवसांपूर्वीच म्हणाले आहेत की, ” नुकतेच आम्हाला 2030 पर्यंत 2 ट्रिलियन डॉलर्सचे निर्यात लक्ष्य गाठायचे आहे. हे उद्दिष्ट साध्य करण्यासाठी मसाला उद्योगही महत्त्वाची भूमिका बजावणार आहे. भारत आणि चीन यांच्यातील मसाल्याच्या निर्यातीत अव्वल क्रमांकासाठी लढाई सुरूच आहे. त्यामुळे मसाल्यांवर अखिल भारतीय समन्वित संशोधन प्रकल्प, इंडियन इन्स्टिट्यूट ऑफ स्पाइसेस आणि फलोत्पादन संशोधन आणि विस्तार केंद्राद्वारे संशोधन केले जात आहे. यामध्ये उत्पादनात वाढ, नवीन तंत्रज्ञानाचा वापर आणि उत्तम कीड व्यवस्थापन यावर संशोधन करण्यात आले.”

SL/KA/SL

12 Dec. 2023