हा आहे खराखुरा भारतीय Robot Dog
नवी दिल्ली, दि. 21 : नुकत्याच झालेल्या जागतिक AI परिषदेत गलगोटीया विद्यापीठाने चिनी बनावटीचा रोबो कुत्रा सादर केल्यानंतर जगभर भारताच्या AI मधील कामगिरीबद्दल शंका घेतल्या जाऊ लागल्या. या घटनेमुळे या परिषदेत आपल्या अनोख्या AI उत्पादनांसह सहभागी झालेल्या नवोदीत भारतीय संशोधकांच्या कामगिरीकडे माध्यमांचे दुर्लक्ष झाले. मात्र भारतही AI मध्ये उत्तम कामगिरी करत असल्याची ग्वाही आज समोर आलेल्या एका महत्त्वपूर्ण माहितीमुळे मिळाली आहे. दिल्लीत सुरू असलेल्या इंडिया एआय इम्पॅक्ट एक्स्पो 2026 मध्ये एका भारतीय कंपनीने नवीन तंत्रज्ञान आणि स्वदेशी नवकल्पनांचे प्रदर्शन केले.
बंगळुरूस्थित रोबोटिक्स स्टार्टअप जनरल ऑटोनॉमीने आपला चार पायांचा रोबोट ‘परम’ सादर केला, ज्याने सर्वांचे लक्ष वेधून घेतले. परमला भारतातील सर्वात शक्तिशाली स्वदेशी रोबोट डॉग म्हणून वर्णन करताना कंपनीने स्पष्टपणे सांगितले की, परमला बाहेरून आणलेल्या भागांमधून असेंबल केले गेले नाही. हे भारतीय अभियंत्यांनी सुरवातीपासून तयार केले आहे.
बंगळुरूस्थित स्टार्टअप जनरल ऑटोनॉमीने याची निर्मिती केली आहे. कंपनीने याचे वर्णन पूर्णपणे देसी मशीन असे केले आहे. याचा अर्थ असा की ते असेंबल केलेले नाही तर मेड इन इंडिया आहे.
या स्टार्टअपने ‘X’ वर एका पोस्टमध्ये व्हिडिओ शेअर केला आणि म्हणाला, “हा मूर्खपणा पुरे झाला! सादर करत आहे परम: भारतातील सर्वात शक्तिशाली देसी रोबोट कुत्रा. एकत्र केले नाही, विकत घेतले नाही, भारतात बनवलेले, भारतीयांनी बनवले. आपल्या देशासाठी, आपल्या शतकासाठी, आपल्या जगासाठी.”
कंपनीने एक जुनी पोस्टही पिन केली आहे. यामध्ये पंतप्रधान नरेंद्र मोदी यांना रोबोट दाखवण्यात येत आहे. डिसेंबर, 2025 मध्ये, कंपनीने एक व्हिडिओ शेअर केला. या व्हिडीओमध्ये परम बंगळुरुमध्ये एका स्ट्रीट डॉगशी संवाद साधताना दिसत आहे. या व्हिडीओच्या माध्यमातून रोबो डॉगची हालचाल आणि संवेदन करण्याची क्षमता दाखवण्यात आली आहे.
SL/ML/SL
