राहुल गांधी यांचे निवडणूक आयोगावर गंभीर आरोप
नवी दिल्ली, दि. १८ : काँग्रेस खासदार आणि लोकसभेतील विरोधी पक्षनेते राहुल गांधी यांनी आज “मत चोरी” या विषयावर सनसनाटी विधाने करत पत्रकार परिषद घेतली. ३१ मिनिटांच्या सादरीकरणात राहुल गांधी यांनी मत चोरीचा आरोप केला आणि त्यांच्याकडे पुरावे असल्याचा दावा केला. निवडणूक आयोग जाणूनबुजून काँग्रेसच्या मतांना लक्ष्य करत आहे आणि त्यांची नावे वगळत आहे, असे ते म्हणाले.
यावेळी राहुल गांधी कर्नाटकातील ज्या मतदारांची नावे मतदार यादीतून वगळण्यात आली होती त्यांनाही सोबत घेऊन आले. त्यांनी आरोप केला की भारताचे मुख्य निवडणूक आयुक्त ज्ञानेश कुमार हे भारतीय लोकशाही नष्ट करणाऱ्यांना संरक्षण देत आहेत. ते पुढे म्हणाले की महाराष्ट्र, हरियाणा आणि उत्तर प्रदेशातही असेच घडत आहे.
निवडणूक आयोगाने राहुल यांचे आरोप खोटे आणि निराधार असल्याचे म्हणत फेटाळून लावले.
कोणताही नागरिक कोणाचेही मत ऑनलाइन डिलीट करू शकत नाही. मत डिलीट करण्यापूर्वी, संबंधित व्यक्तीला त्यांची बाजू मांडण्याची संधी दिली जाते. असे आयोगाने म्हटले आहे.
राहुल यांनी कर्नाटकातील आलंद विधानसभा मतदारसंघाचे उदाहरण दिले. ते म्हणाले की, २०२३ च्या निवडणुकीत कोणीतरी ६,०१८ मते वगळण्याचा प्रयत्न केला होता. ही संख्या जास्त असू शकते. एकूण किती मते वगळण्यात आली हे आम्हाला माहिती नाही. ही बाब चुकून उघड झाली.
ते म्हणाले, “असं झालं की एका बूथ-लेव्हल अधिकाऱ्याला त्याच्या काकांचे मत डिलीट झाल्याचे लक्षात आले. त्याने चौकशी केली आणि त्याला कळले की ते एका शेजाऱ्याने डिलीट केले आहे. बीएलओ त्याच्याशी बोलला. त्याने त्याच्या शेजाऱ्याला विचारले तेव्हा तो म्हणाला, ‘मी कोणतेही मत डिलीट केले नाही.'” याचा अर्थ असा की ज्या व्यक्तीने मत डिलीट केले आहे किंवा ज्या व्यक्तीचे मत डिलीट केले आहे त्यांना याबद्दल काहीही माहिती नव्हती. प्रत्यक्षात, दुसऱ्याच कोणत्यातरी शक्तीने सिस्टम हायजॅक केली होती आणि ही मते डिलीट केली होती.
पत्रकार परिषदेदरम्यान, ६३ वर्षीय गोदावई यांचा एक व्हिडिओ दाखवण्यात आला. त्यामध्ये त्या म्हणाल्या, “माझे मत डिलीट करण्यात आले. मला याची कोणतीही माहिती नाही. गोदावई यांच्या नावाने बनावट लॉगिन तयार करण्यात आले. १२ मतदारांची नावे डिलीट करण्यात आली.”
राहुल यांनी असा दावा केला की, आलंदमधील मतदारांची नावे इतर राज्यांमध्ये कार्यरत असलेल्या मोबाईल नंबरचा वापर करून हटवण्यात आली होती. राहुल यांनी त्यांच्या सादरीकरणात हे नंबरही शेअर केले. गोदाबाईच्या १२ शेजाऱ्यांची नावेही या मोबाईल नंबरमध्ये समाविष्ट होती.
राहुल गांधी म्हणाले, “आलंद हा कर्नाटकातील एक विधानसभा मतदारसंघ आहे. तिथे कोणीतरी ६,०१८ मते हटवण्याचा प्रयत्न केला. २०२३ च्या निवडणुकीत एकूण किती मते हटवली गेली हे आम्हाला माहित नाही, परंतु ती ६,०१८ पेक्षा खूपच जास्त असण्याची शक्यता आहे. ही ६,०१८ मते हटवताना ही बाब चुकून उघड झाली.
राहुल यांनी आरोप केला की एका कन्नड मतदाराचे मत वगळण्यात आले आहे. त्यांनी मतदाराला स्टेजवर बोलावले आणि त्यांना बोलण्यास सांगितले. मतदार म्हणाले, “माझ्या नावावर १२ लोकांची नावे वगळण्यात आली आहेत. तथापि, मला याची माहिती नव्हती. मी कोणालाही मेसेज केला नाही किंवा फोनही केला नाही.”
