डेन्मार्कच्या राणीने दिला राजीनामा

कोपनहेगन, दि. १ (एमएमसी न्यूज नेटवर्क) : लोकशाही अस्तित्वात असूनही युरोपमधील काही देशांमध्ये अजूनही राजघराण्यातील सदस्यांना जनतेकडून मान दिला जातो. वशंपरंपरागत चालत आलेल्या या राजघराण्यातील सदस्य आपल्यानंतर आपल्या घराण्यातील पुढील पिढीतील सदस्याची आपल्या जागी नियुक्ती करतात. डेन्मार्कची राणी मार्गारेट II यांनी रविवारी रात्री उशिरा आपला राजीनामा जाहीर केला. आपल्या नवीन वर्षाच्या भाषणात त्यांनी या महिन्यात 14 जानेवारी रोजी आपले पद सोडणार असल्याचे सांगितले. त्या आपले सिंहासन त्यांचा मुलगा क्राउन प्रिन्स फ्रेडरिक आंद्रे हेनरिक यांच्याकडे सोपवणार आहेत.14 जानेवारी 1972 रोजी क्वीन मार्गरेट II ने तिचे वडील राजा फ्रेडरिक IX च्या मृत्यूनंतर सिंहासन ग्रहण केले. 52 वर्षांनंतर त्या हे पद सोडत आहेत. ब्रिटनच्या राणी एलिझाबेथ II नंतर, राणी मार्गारेट II ही युरोपमधील दुसरी सर्वात जास्त काळ राज्य करणाऱ्या सम्राट म्हणून ओळखल्या जातात.

83 वर्षीय राणी मार्गरेट यांच्या पाठीवर फेब्रुवारी 2023 मध्ये शस्त्रक्रिया झाली होती. यानंतर पद सोडण्याचा विचार त्यांच्या मनात आला. लोकांना संबोधित करताना त्या म्हणाल्या होत्या- पाठीच्या शस्त्रक्रियेनंतर मला भविष्याबद्दल विचार करण्याची वेळ मिळाली. आता सिंहासनाची जबाबदारी माझ्या मुलावर सोपवण्याआची वेळ आली आहे, असे मला वाटू लागले. मी ठरवले आहे की 14 जानेवारी 2024 हीच पद सोडण्याची आणि माझ्या मुलावर जबाबदारी सोपवण्याची योग्य वेळ असेल. प्रिन्स फ्रेडरिक आंद्रे हेन्रिक आणि डेन्मार्कची राजकुमारी मेरी एलिझाबेथ फेब्रुवारी 2023 मध्ये आग्रा येथे पोहोचले. या दोघांनी ताजमहाल आणि आग्रा किल्ला पाहिला आणि या भेटीबाबत व्हिजिटर डायरीमध्ये टिप्पणीही लिहिली. यादरम्यान त्यांनी एक फोटोशूटही केले होते.

काही देश वगळता जगातील बहुतेक देशांनी लोकशाही राज्य पद्धतीचा स्वीकार केला असला तरीही अद्यापही जगातील ४३ देशांमध्ये नाममात्र राजेशाही अस्तित्वात आहे. इंग्लंडने जगातील बऱ्याचशा देशांवर मोेठा काळ सत्ता गाजवली. जगातील १४ देश अजूनही ब्रिटनच्या राणीच्या आपली राष्ट्रप्रमुख मानतात.

ML/KA/SL

1 Jan. 2024