पुष्पा-२ चित्रपटाने प्रदर्शनाआधीच कमावले कोट्यवधी रुपये
मुंबई, दि. ११ (एमएमसी न्यूज नेटवर्क) : पुष्पा-१ या चित्रपटाच्या यशाने बॉलिवूडला धडकी भरवली होती. अल्लू अर्जूनची प्रमुख भूमिका असलेल्या चित्रपटाचा दुसरा भाग ऑगस्ट महिन्यात प्रदर्शित होणार आहे. मात्र या चित्रपटाने थिएटरमध्ये दाखल होण्याआधीच तब्बल ५०० कोटींची कमाई केली आहे. OTT, थिएटर्स, सॅटेलाईट्स यांसाठी चित्रपटाचे हक्क विकून पुष्पाने ही बक्कळ कमाई केली आहे.
हिंदी थिएटर राइट्स २०० कोटींना विकले गेले आहेत. तर Netflix ने २७५ कोटींना याचे OTT हक्क विकत घेतले आहेत. तर जयंतीलाल गडा यांनी या चित्रपटाच्या सर्व व्हर्जन्सचे सॅटेलाईट हक्क विकत घेतले असून यासाठी तब्बल ८० कोटी रु. मोजले आहेत.
एन. सिनेमाने या कंपनीचे थिएटर राइट्स विकत घेतले आहेत. पहिल्या भागा प्रमाणेच सुकुमार यांनी या चित्रपटाचे दिग्दर्शन केले आहे. रश्मिका मंदना आणि अल्लू अर्जून ही स्टार जोडी पुन्हा एकदा या चित्रपटातून प्रेक्षकांसमोर येत आहे.
SL/ML/SL
11 May 2024
