कुलगुरुपदी डॉ. प्रकाश महानवर यांची नियुक्ती
![कुलगुरुपदी डॉ. प्रकाश महानवर यांची नियुक्ती](https://mmcnewsnetwork.com/wp-content/uploads/2023/09/WhatsApp-Image-2023-09-30-at-1.17.43-PM-1-770x560.jpeg)
मुंबई, दि. 30 (एमएमसी न्यूज नेटवर्क): पुण्यश्लोक अहिल्यादेवी होळकर सोलापूर विद्यापीठाच्या कुलगुरुपदी डॉ. प्रकाश अण्णा महानवर यांची नियुक्ती करण्यात आली आहे. राज्यपाल तथा राज्यातील सार्वजनिक विद्यापीठांचे कुलपती रमेश बैस यांनी डॉ. प्रकाश महानवर यांची नियुक्ती केली. Prof. Prakash Mahanavar Appointed as Vice Chancellor of Punyashlok Ahilya Devi Holkar Solapur University
डॉ. प्रकाश महानवर (जन्म:०१.०६.१९६७) सध्या मुंबई विद्यापीठाच्या दूर आणि मुक्त अध्ययन संस्थेत वरिष्ठ प्राध्यापक तसेच संचालक पदावर कार्यरत आहेत.
डॉ. मृणालिनी फडणवीस, कुलगुरू, पुण्यश्लोक अहिल्यादेवी होळकर सोलापूर विद्यापीठ, सोलापूर यांचा कार्यकाळ ५ मे २०२३ रोजी संपल्यामुळे सदर पद रिक्त झाले होते. त्यानंतर डॉ. होमी भाभा राज्य विद्यापीठाचे कुलगुरु डॉ. रजनीश कामत यांचेकडे सदर पदाचा अतिरिक्त कार्यभार देण्यात आला होता.
पुण्यश्लोक अहिल्यादेवी होळकर सोलापूर विद्यापीठाच्या कुलगुरुपदाच्या नियुक्तीसाठी राज्यपालांनी आयआयटी कानपूरचे माजी संचालक डॉ. संजय धांदे यांच्या अध्यक्षतेखाली कुलगुरु निवड समिती गठीत केली होती.
विश्वेश्वरैय्या राष्ट्रीय तंत्रज्ञान संस्थेचे संचालक प्रमोद पडोळे, हैद्राबाद येथील इंग्रजी आणि परकीय भाषा विद्यापीठाचे कुलगुरु प्रा. ई. सुरेशकुमार (युजीसी प्रतिनिधी) तसेच राज्य शासनाच्या उच्च व तंत्र शिक्षण विभागाचे प्रधान सचिव विकास चंद्र रस्तोगी हे समितीचे सदस्य होते.
समितीने शिफारस केलेल्या उमेदवारांच्या मुलाखती घेतल्यानंतर राज्यपालांनी यांनी डॉ. प्रकाश महानवर यांची कुलगुरुपदी नियुक्ती जाहीर केली आहे.
ML/KA/PGB
30 Sep 2023