घरबसल्या मिळतील पोस्टाच्या या सेवा

मुंबई, दि. १३ : पोस्ट ऑफिसच्या अनेक सेवांसाठी रांगेत ताटकळत उभं राहण्याची गरज नाही. भारतीय टपाल खात्याने नवीन मोबाईल ॲप Dak Seva 2.0 सुरु केली आहे. त्यामुळे ग्राहकांना मोबाईलवरूनच मनी ऑर्डर, पार्सल ट्रॅकिंग, विम्याचा हप्ता भरणे आणि इतर सेवा सहज उपलब्ध होतील. ॲप वापरण्यास सोपं असल्याचा दावा या या खात्याने केला आहे. युझर्स फ्रेंडली प्लॅटफॉर्ममुळे ग्राहकांना काही सेवांसाठी पोस्टात जाण्याची गरज नाही. टपाल खात्याचे हे ॲप भारतातील 23 भारतीय भाषांमध्ये उपलब्ध गोणार आहे.

टपाल खात्याच्या या ॲपची माहिती विभागाने सोशल मीडिया प्लॅटफॉर्म X वर दिली आहे. आता पाकिटात मिळेल पोस्टाच्या सोयी-सुविधा आशा आशयाची ही पोस्ट सध्या चर्चेत आली आहे. म्हणजे पोस्टाच्या अनेक सेवा या तुमच्या बोटावर येतील. पार्सल पाठवणे असो वा विम्याचा हप्ता जमा करणे असो, स्पीड पोस्टाने एकूण किती खर्च लागले याची माहिती असो केवळ एका क्लिकवर ही माहिती मिळेल.

Dak Seva 2.0 मध्ये मिळतील या सुविधा

पार्सल ट्रॅकिंग: कोणत्याही स्पीड पोस्ट वा पार्सलची डिलिव्हरीची अपडेट आणि ते केव्हा पोहचले याची माहिती मिळेल.

मनी ऑर्डर: गावाकडे, आई-वडिलांसाठी मनी ऑर्डर करायची असेल तर पोस्टात जाण्याची गरज नाही. मोबाईलवरूनच तो मनी ऑर्डर पाठवू शकतो.

पोस्टल फी कॅलक्युलेटर: स्पीड पोस्ट, रजिस्ट्री वा इतर सेवांचे शुल्क किती आकारले जाते याची माहिती युझर्सला मिळेल.

PLI/RPLI पेमेंट: पोस्टल लाईफ इन्शुरन्सचा हप्ता सुद्धा या ॲपच्या मदतीने भरता येईल.

SL/ML/SL