‘पंचायत’ फेम अभिनेत्रीचा रस्ते अपघातात मृत्यू
पटना, दि. २७ (एमएमसी न्यूज नेटवर्क) :
लोकप्रिय वेब सीरिज ‘पंचायत २’मध्ये काम करणारी अभिनेत्री आंचल तिवारी हिचा रस्ते अपघातात मृत्यू झाला आहे. आंचल भोजुपरी इंडस्ट्रीतही खूप सक्रिय होती. या अपघातात आणखी एक भोजपुरी अभिनेत्री सिमरन श्रीवास्तव आणि गायक छोटू पांडे यांचाही मृत्यू झाला आहे. या अपघातात भोजपुरी चित्रपटसृष्टीतील आणखी चार कलाकारांचाही रस्ते अपघातात मृत्यू झाला आहे. बिहारमधील कैमूरमधील देवकाली गावाजवळ जीटी रोडवर रविवारी संध्याकाळी हा अपघात घडला आहे. सोमवारी सकाळी या अपघातातील मृतांची ओळख पटली आहे. यानंतर पोलिसांनी एक निवेदन जारी करून त्यांच्या मृत्यूला दुजोरा दिला आहे.
आंचल तिवारीने ‘पंचायत २’ मधील मुख्य पात्र ‘सान्विका’च्या मैत्रिणीची अर्थात ‘रवीना’ची भूमिका साकारली होती. मोहनिया पोलीस स्टेशन हद्दीतील देवकाली गावाजवळ जीटी रोडवर रविवारी संध्याकाळी ही घटना घडली आहे. मोहनियाचे डीएसपी दिलीप कुमार यांनी माध्यमांना माहिती देताना सांगितले की, सोमवारी सकाळी मृतांची ओळख पटली असून, भोजपुरी गायक विमलेश पांडे उर्फ छोटू पांडे यांचाही मृतांमध्ये समावेश आहे.या अपघातामध्ये एकूण ९ जणांचा मृत्यू झाला आहे. अपघातात सामील हे सगळे कलाकार एसयूव्हीमधून प्रवास करत होते.
भोजपुरी गायक छोटू पांडे संपूर्ण टीमसोबत यूपीमध्ये होणाऱ्या एका कार्यक्रमात सहभागी होणार होता. यादरम्यान, त्यांच्या कारला अपघात झाला. त्यांच्या कारला ट्रकने धडक दिली आणि यात दोन अभिनेत्रींसह नऊ जणांचा दुर्दैवी मृत्यू झाला.
SL/KA/SL
27 Feb. 2024
