पाकच्या उपग्रहासह चीनची चांद्र मोहीम

बिजिंग, दि. ३ (एमएमसी न्यूज नेटवर्क) : भारताच्या चांद्रयान-3 मोहिमेनंतर आता चीननेही आपली चांद्र मोहीम सुरू केली आहे. या मोहिमेचे नाव Chang’e-6 मिशन असून त्यात पाकिस्तानचा IQub-Q हा उपग्रह बसवण्यात आला आहे. या उपग्रहामध्ये 2 कॅमेरे आहेत, जे चंद्राच्या पृष्ठभागाची छायाचित्रे घेतील. लाँग मार्च 5 रॉकेट वापरून हेनान बेटावरील वेनचांग स्पेस साइटवरून चंद्र मोहीम प्रक्षेपित करण्यात आली. चंद्राच्या दूरच्या बाजूला (जेथे अंधार आहे) जाऊन नमुने गोळा करून ते पृथ्वीवर पाठवणे हे या प्रोबचे लक्ष्य आहे. पाकीस्तानी वृत्तपत्र डॉनने प्रसिद्ध केलेल्या वृत्तानुसार, पाकिस्तानचा क्यूबसॅट हा एक अतिशय सूक्ष्म उपग्रह आहे, जो सामान्यतः 1*1 फूट चौरस बॉक्ससारखा दिसतो.

चिनी प्रोब 53 दिवस चंद्रावर राहील, म्हणजेच 25 जून रोजी पृथ्वीवर परत येईल. हे प्रोब पहिले काही दिवस पृथ्वीच्या कक्षेत घालवेल आणि नंतर चंद्राच्या दिशेने जाईल. चीनने 2030 पर्यंत चंद्रावर मानव पाठवण्याचे लक्ष्य ठेवले आहे. हे मिशनदेखील त्याच लक्ष्याचा एक भाग आहे. आतापर्यंत चंद्रावर गेलेल्या सर्व 10 चांद्रमोहिमा फक्त जवळच्या भागा पोहोचल्या आहेत. अशा परिस्थितीत चीनचे मिशन यशस्वी झाल्यास असे करणारा तो पहिला देश ठरेल. चांगई-6 दक्षिण ध्रुव-एटकेन बेसिनवर उतरेल. हा चंद्राच्या तीन सर्वात मोठ्या आणि सर्वात प्रमुख भूभागांपैकी एक आहे. त्यामुळे त्याचे वैज्ञानिक मूल्य खूप जास्त आहे.

अंतराळ सहकार्य वाढवण्यासाठी आणि संबंध दृढ करण्यासाठी चीनने इतर देशांसोबत पेलोड वाहून नेण्याची घोषणा केली होती. याअंतर्गत पाकिस्तानव्यतिरिक्त चीन, फ्रान्स, इटली आणि युरोपियन स्पेस एजन्सीचा पेलोड घेऊन निघाला आहे. यापूर्वी, 2019 मध्ये चंद्राच्या दूरवर जाणारी चीनची चांगई-4 मोहीम ही पहिली मोहीम होती. चीन हा एकमेव देश आहे जो चंद्राच्या पलीकडे लँडर पाठवू शकला आहे. चांगई-4 मिशनचे युटू 2 नावाचे रोव्हर हे जगातील सर्वात जास्त काळ चालणारे चंद्र रोव्हर आहे. ते सुमारे 5 वर्षांपासून चंद्रावर अस्तित्वात आहे.

SL/ML/SL

3 May 2024