पु.ना. गाडगीळ ज्वेलर्स आणणार IPO

मुंबई, दि. २८ (एमएमसी न्यूज नेटवर्क) : प्रख्यात मराठी ज्वेलर्स पीएन गाडगीळ ज्वेलर्स लिमिटेड आता एक आर्थिकदृष्ट्या महत्त्वपूर्ण झेप घेण्यासाठी सज्ज झाले आहेत. PNG आता आयपीओ लॉन्च करणार आहेत. कंपनीने यासाठी कागदपत्रे SEBIकडे सादर केली आहेत. आयपीओमधून 1,100 कोटी रुपये उभे करण्याचा कंपनीचा विचार आहे. कागदपत्रांनुसार, पीएन गाडगीळ ज्वेलर्सच्या प्रस्तावित आयपीओमध्ये 850 कोटी रुपयांचे नवीन शेअर्स जारी केले जातील. तसेच प्रवर्तक एसव्हीजी बिझनेस ट्रस्टकडून 250 कोटी रुपयांचे शेअर्स ऑफर फॉर सेल (OFS) मध्ये विकले जातील.

सध्या पी एन गाडगीळ ज्वेलर्समध्ये एसव्हीजी बिझनेस ट्रस्टचा 99.9 टक्के हिस्सा आहे. आयपीओमध्ये नवीन शेअर्स जारी करून उभारलेल्या 850 कोटींपैकी 387 कोटी रुपये महाराष्ट्रात 12 नवीन स्टोअर्स उघडण्यासाठी आर्थिक वर्ष 2026 पर्यंत खर्च केले जातील. तर 300 कोटी रुपये कर्जाची परतफेड करण्यासाठी आणि उर्वरित पैसे सामान्य कामकाजावर खर्च केले जातील. गेल्या आठवड्यात दाखल केलेल्या कागदपत्रांनुसार, 29 फेब्रुवारी 2024 पर्यंत कंपनीवर 377.45 कोटी रुपयांचे कर्ज होते.

आयपीओसाठी मोतीलाल ओसवाल इन्वेस्टमेंट अॅडव्हायजर्स, नुवामा वेल्थ मॅनेजमेंट आणि बीओबी कॅपिटल मार्केट्स हे मर्चंट बँकर आहेत. पीएन गाडगीळ यांची डिसेंबर 2023 पर्यंत महाराष्ट्र आणि गोव्यात 33 स्टोअर्स होती. कंपनीचे अमेरिकेत एक दुकान आहे. कंपनी 33 पैकी 23 दुकाने चालवते आणि व्यवस्थापित करते. उर्वरित 10 फ्रँचायझी स्टोअर्स आहेत.

SL/ML/SL

28 March 2024