देश चालवण्यासाठी नेपाळ सरकार घेत आहे नागरिकांकडून कर्ज

काठमांडू, दि. ८ (एमएमसी न्यूज नेटवर्क) : अमेरिकेचे राष्ट्राध्यक्ष डोनाल्ड ट्रम्प यांनी वित्तीय मदत थांबवल्यामुळे नेपाळची अर्थव्यवस्था संकटात सापडली आहे. सरकारला विद्यमान खर्च पूर्ण करण्यात अडचणी येत आहेत, ज्यामुळे सरकारला देशातील लोकांकडून कर्ज घ्यावे लागत आहे. सार्वजनिक कर्जाचा भार वेगाने वाढत आहे आणि आता तो दुप्पट झाला आहे. चालू आर्थिक वर्षाच्या पहिल्या ७ महिन्यांत सार्वजनिक कर्जात २ लाख कोटी रुपयांची वाढ झाली आहे.

गेल्या आठवड्यात सरकारने नागरिक बचत बाँडच्या माध्यमातून ३.५ अब्ज रुपयांचे कर्ज जारी केले. या वर्षी सरकार १८.०६३ लाख कोटी रुपयांचे बजेट लागू करत आहे, परंतु स्रोतांच्या कमतरतेमुळे बजेटमध्ये सुमारे दहा टक्क्यांची कपात करण्यात आली आहे. अमेरिकी मदत स्थगित झाल्यामुळे शिक्षण, आरोग्य आणि शेतीशी संबंधित कार्यक्रमावर परिणाम झाला आहे

नेपाळच्या सार्वजनिक कर्ज व्यवस्थापन कार्यालयानुसार, गेल्या जुलैमध्ये सार्वजनिक कर्ज २४.०३४ लाख कोटी रु. होते, जे फेब्रुवारीच्या मध्यापर्यंत २६.०११ लाख कोटी रु.झाले. सरकारी कर्ज देशाच्या जीडीपीच्या ४५.७७% आहे. दशकापूर्वी तो जीडीपीच्या २२% होता. कर्जात विदेशी कर्जाचा हिस्सा ५०.८७%, तर देशांतर्गत कर्जाचा हिस्सा ४९.१३% आहे.

SL/ML/SL
8 March 2025