संगीतकार नंदू घाणेकर यांचे निधन
मुंबई,दि. 30 ( एमएमसी न्यूज नेटवर्क) : प्रसिद्ध संगीतकार नंदू घाणेकर (६५) हृदयविकाराच्या झटक्याने मुलुंड येथील निवासस्थानी निधन झाले. ठाण्यातील बाळकूम स्मशानभूमीत त्यांच्या पार्थिवावर अंत्यसंस्कार करण्यात आले.
घरात कलेचा वारसा असल्याने घाणेकर संगीत क्षेत्राकडे वळले. अभिनय आणि निर्मिती क्षेत्रातही त्यांनी कारकीर्द गाजवली असली तरी संगीतकार म्हणूनच ते सर्वांना परिचित होते. त्यांनी गानसम्राज्ञी लता मंगेशकर यांची दोन आध्यात्मिक गाणी रेकॉर्ड केली होती. मात्र त्याची सीडी प्रदर्शित झाली नाही. त्यानंतर ‘ताऱ्यांचे बेट’, ‘शाली’, ‘सुनंदा’, ‘नशीबवान’ या चित्रपटांना त्यांनी संगीत दिले होते.
जाहिरात क्षेत्रातील प्रशस्त व्यक्तिमत्त्व असलेले गोविंद घाणेकर हे नंदू घाणेकर यांचे वडील होते आणि दिग्दर्शक गिरीश घाणेकर व डॉ. शुभा थत्ते ही नंदू घाणेकर यांची भावंडे आहेत. गोट्या मालिकेतील गोट्या म्हणजेच जॉय घाणेकर हा नंदू घाणेकर यांचा पुतण्या आहे.
SL/KA/SL
30 Jan. 2023
