खासदार बाळू उर्फ सुरेश धानोरकर यांचं निधन
दिल्ली दि ३०(एमएमसी न्यूज नेटवर्क) काँग्रेसचे चंद्रपूरचे खासदार सुरेश उर्फ बाळू धानोरकर यांचे आज वेदांता रुग्णालयात निधन झाले. आज सकाळी त्यांनी अखेरचा श्वास घेतला.
पित्ताशय (Gallbladder) आणि स्वादुपिंडामध्ये (Pancreas) इन्फेक्शन झाल्याने धानोरकर यांना नागपूर इथून एअर अॅम्ब्युलन्सने दिल्ली इथल्या मेदांता रुग्णालयात नेण्यात आलं होतं. त्यांची प्रकृती चिंताजनक होती. अखेर उपचारादरम्यान त्यांची प्राणज्योत मालवली. एअर अॅम्ब्युलन्सने त्यांचं पार्थिव चंद्रपुरात आणण्यात येईल. तर उद्या वरोरा इथे त्यांच्यावर अंत्यसंस्कार होणार आहेत. बाळू धानोरकर यांचे बंधू अनिल धानोरकर यांनी ही माहिती दिली.
धानोरकर हे आधी शिवसेनेचे आमदार होते तर २०१९ साली त्यांनी काँग्रेसमध्ये प्रवेश केला आणि राज्यातील ते काँग्रेसचे एकमेव खासदार बनले.त्यांच्या पत्नी प्रतिभा धानोरकर या काँग्रेसच्या आमदार आहेत.
बाळू धानोरकर यांच्या निधनाबद्दल मुख्यमंत्री एकनाथ शिंदे , उपमुख्यमंत्री देवेंद्र फडणवीस, काँग्रेस प्रदेशाध्यक्ष नाना पटोले, काँग्रेस नेते अशोक चव्हाण , बाळासाहेब थोरात आदींनी शोक व्यक्त केला आहे.
ML/KA/SL
29 May 2023
