मोदींच्या कार्यक्रमात घोषणाबाजी करणाऱ्या कॉंग्रेस कार्यकर्त्यांना अटक
मुंबई, दि. 30 (एमएमसी न्यूज नेटवर्क) : छत्रपती शिवाजी महाराज की जय, मोदी माफी मागो… असा नारा देत कॉंग्रेस कार्यकर्त्यांनी बीकेसीचं जियो कन्व्हेन्शन सेंटर दणाणून सोडलं. पंतप्रधान नरेंद्र मोदी यांचा कार्यक्रम याच ठिकाणी होता. पोलिसांनी या सर्व कार्यकर्त्यांना अटक करून खेडवाडी पोलीस स्टेशनमध्ये आणलं आहे.
महाराष्ट्राचं आराध्य दैवत छत्रपती शिवाजी महाराज यांचा पुतळा सिंधुदुर्ग मध्ये कोसळला. याच पुतळ्याचं अनावरण नरेंद्र मोदी यांनी केलं होतं. प्रचार आणि भ्रष्टाचार यातून घाईने उभारलेला हा पुतळा पडला आणि महाराष्ट्रात संतापाची लाट उसळली. वांद्रे-कुर्ला संकुलातील अंबानींच्या जिओ सेंटर मध्ये आलेल्या मोदींनी माफी मागावी यासाठी कॉंग्रेसच्या कार्यकर्त्यांनी निदर्शनं केली.
पोलिसांनी बळाचा वापर करत या पदाधिकारी कार्यकर्त्यांना अटक करून खेरवाडी पोलीस स्टेशन मध्ये आणलं आहे.
मुंबई कॉंग्रेसचे संघटन प्रभारी प्रनील नायर, प्रदेश कॉंग्रेसचे महासचीव राजेश शर्मा, मुख्य प्रवक्ते युवराज मोहिते, मुंबई युवक कॉंग्रेसचे अध्यक्ष अखिलेश यादव, रेहनुमा सिद्दिकी, रोशना शहा, सना कुरेशी, एनएसयुआईचे मुंबई अध्यक्ष प्रद्युम्न यादव, निलेश दुबे, पुनीत पारिया, झिशान अहमद, ओपी खुशालही, नंदकिशोर वर्मा आदिंना अटक करण्यात आली.
PGB/ML/PGB
30 Aug 2024
