सावध रहा, मुंबईत लहान मुलांमध्ये गोवराचा प्रादुर्भाव वाढतोय

मुंबई,दि. 14 (एमएमसी न्यूज नेटवर्क) : गेल्या काही दिवसांपासून मुंबईच्या काही भागात लहान मुलांमध्ये गोवर पसरला असून रुग्णांच्या संख्येत झपाट्याने वाढ होत आहे. मुंबईत सध्या गोवरचे 109 रुग्ण आहेत. तर 617 संशयित रुग्णांची नोंद झाली आहे. आतापर्यंत गोवरमुळे तीन बालकांचा मृत्यू झाला आहे. रुग्णांच्या संख्येत दररोज वाढ होत आहे.

या पार्श्वभूमीवर मुंबईत केंद्रीय आरोग्य पथक निर्माण झालं असून त्यांच्याकडून विविध रुग्णालयांमध्ये आणि वस्त्यांमध्ये पाहणी सुरू आहे.मुंबई महानगरपालिकेने आतापर्यंत 9 लाखहून घरांचं सर्वेक्षण केलं आहे. या अंतर्गत आरोग्य विभागाचे कर्मचारी घरोघरी जाऊन बालकांची आरोग्य तपासणी करत आहेत.