आंतरराष्ट्रीय शिक्षण देणाऱ्या मुंबई मनपाच्या मोफत शाळा

मुंबई, दि. ७ : मुंबई मनपा अंतर्गत CBSE, ICSE, IB आणि IGCSE अशा विविध बोर्डांच्या 18 CBSE, 1 ICSE, 1 IB आणि 1 IGCSE शाळा आहेत. यात 13 हजार 316 विद्यार्थी नर्सरी ते दहावीपर्यंत मोफत शिकतात. या वर्षाच्या अर्थसंकल्पात आणखी एक CBSE शाळा सुरू करण्याची योजना आहे.

माटुंगा येथील LK वाघजी शाळा कॅम्ब्रिज IGCSE संलग्न आहे, तर विले पार्ले इंटरनॅशनल शाळा IB संलग्न आहे. या शाळांमध्ये प्राथमिक वर्गांपर्यंत मोफत शिक्षण मिळते. महाराष्ट्रात मुंबई पालिका ही एकमेव नागरी संस्था आहे जी IGCSE शाळा चालवते.

“या शाळांना चांगला प्रतिसाद आहे. भविष्यात विस्तार करू पण लोक ICSE ला प्राधान्य देतात. IB आणि IGCSE साठी अधिक प्रशिक्षित शिक्षक हवेत. जग स्पर्धात्मक आहे म्हणून BMC विद्यार्थ्यांना मागे पडू देणार नाही. खर्च जास्त असल्याने प्रतिसादानुसार वाढवू”, असे शिक्षण समितीच्या अध्यक्षा राजेश्री शिरवडकर यांनी सांगितल्या. आम्ही हायस्कूल प्रमाणपत्रासाठी अर्ज करणार असून दहावी पर्यंत विस्तार करणार असल्याचेही त्यांनी सांगितले. भविष्यात मागणीनुसार CBSE आणि ICSE शाळांची संख्या वाढवण्यावर भर दिला जाणार आहे.

IGCSE आणि IB शाळांचा खर्च राज्य मंडळ शाळांपेक्षा दुप्पट आहे, प्रमाणपत्र शुल्क आणि पुस्तके परकीय चलनात भरावी लागतात. “कमी उत्पन्न कुटुंबांना आंतरराष्ट्रीय बोर्डाची संधी देणे चांगले आहे पण शिक्षकांची गुणवत्ता आणि घरची वातावरण यामुळे समान स्तर येणार नाही”, असे शिक्षक राजेश सिंह सांगतात.

SL/ML/SL