सैनिकांसाठी महिंद्रा Thar ची खास ऑफर

मुंबई, दि. २० (एमएमसी न्यूज नेटवर्क) : महिंद्रा कंपनीच्या थार या मॉडेलने देशातील ग्राहकांच्या मनात विशेष स्थान निर्माण केले आहे. देशातील ऑफरोड सेगमेंटमध्ये महिंद्र थारचे एकतर्फी वर्चस्व आहे. आता देशातील सैनिकांना Thar खरेदी करताना मोठी सूट मिळणार आहे. आता ही कार कॅन्टीन स्टोअर्स डिपार्टमेंट म्हणजेच CSD वरून देखील खरेदी केली जाऊ शकते. देशाची सेवा करणाऱ्या सैनिकांसाठी कंपनीने ती उपलब्ध करून दिली आहे.

सैनिकांना SUV च्या किमतीवर 28% ऐवजी फक्त 14% GST भरावा लागेल. Thar LX 4WD HT व्हेरिएंटची एक्स-शोरूम किंमत रु. 15,00,000 आहे. तर CSD वर तुम्ही ते Rs 13,90,319 मध्ये खरेदी करू शकता. म्हणजेच या व्हेरिएंटवरील करात रु. 1,09,681 वाचतील. येथे थरावर 1,24,691 रुपयांची बचत व्हेरिएंट असेल.

दिमाखदार लुकमुळे महिंद्रा कंपनीची ‘थार’ गाडी ही भरपूर लोकप्रिय झाली आहे. या गाडीचं आता इलेक्ट्रिक व्हेरियंट देखील येणार आहे. थार गाडी ही ऑफरोडिंग वैशिष्ट्यासाठी ओळखली जाते. इलेक्ट्रिक व्हर्जनमध्ये त्याचं हे वैशिष्ट्य कायम ठेवण्यात येणार आहे. सोबतच यामध्ये क्वाड-मोटर सिस्टिम देण्याची शक्यता आहे. क्रॅब स्टिअर किंवा क्रॅब-वॉक सारखे फीचर्स देखील यामध्ये असतील असा अंदाज तज्ज्ञांनी व्यक्त केला आहे. क्रॅब-वॉक फीचर असणाऱ्या गाड्यांची चारही चाकं जागेलाच 45 अंश कोनापर्यंत वळू शकतात. या फीचरमुळे अशा गाड्या उभ्या जागी 360 अंश कोनात वळू शकतात. तसंच, अशा गाड्या आडव्या देखील चालू शकतात. यामुळे अतिशय छोट्या जागी पार्किंग करणं किंवा गाडी वळवणं सोपं होतं. हमर ईव्ही आणि G-क्लास प्रोटोटाईप कार्समध्ये हे फीचर देण्यात आलं आहे. (Electric Vehicles)

सध्या थार गाडी ही विविध प्रकारच्या इंजिन ऑप्शन्समध्ये उपलब्ध आहे. 4×4 व्हेरियंटमध्ये 2.0 लीटर टर्बो पेट्रोल इंजिन, आणि 2.2 लीटर डिझेल इंजिन या पर्यायांमध्ये उपलब्ध आहे. तर, 4×2 व्हेरियंट हे 2.0 लीटर टर्बो पेट्रोल आणि 1.5 लीटर डिझेल इंजिन पर्यायांमध्ये उपलब्ध आहे.

SL/ML/SL

20 March 2024