विदर्भात महायुतीला उत्स्फूर्त प्रतिसाद, सर्व जागा महायुती जिंकेल

नागपूर, दि. ७ (एमएमसी न्यूज नेटवर्क): विदर्भात महायुतीचे अतिशय चांगले वातावरण आहे. मी रामटेकचा उमेदवारी अर्ज भरायला देखील गेलेलो होतो, गडकरी साहेबांचा उमेदवारी अर्ज देखील भरायला गेलेलो होतो. उत्स्फूर्त असा प्रतिसाद विदर्भात महायुतीला मिळतो आहे आणि विदर्भातील सर्वच्या सर्व जागा महायुती जिंकेल अशा प्रकारचे वातावरण आहे असे मुख्यमंत्री आणि शिवसेनेचे नेते एकनाथ शिंदे यांनी आज नागपुरातील डॉ. बाबासाहेब आंबेडकर आंतरराष्ट्रीय विमानतळावर प्रसार माध्यमांशी बोलताना सांगितले.

नागपूर लोकसभा आणि रामटेक लोकसभा मतदार संघाचे उमेदवार यांच्या प्रचारासाठी नागपुरात आले असता ते बोलत होते. रामटेक तसेच यवतमाळ वाशिम हा लोकसभा मतदारसंघ शिवसेना मोठ्या फरकाने जिंकेल असा विश्वास मुख्यमंत्री आणि शिवसेनेचे नेते एकनाथ शिंदे यांनी यावेळेला व्यक्त केला. दोन तीन दिवसात दुसऱ्या टप्प्याचा निर्णय होईल. पदाधिकाऱ्यांच्या बैठकीत घेतलेल्या सर्व निर्णयांची दखल घेतली जाते कारण कार्यकर्ते तळागाळापर्यंत काम करतात असे देखील त्यांनी स्पष्ट केलं.

ML/ML/SL

7 April 2024