महाराष्ट्र दिनी राज्यस्तरीय मोडी लिपी स्पर्धा
मुंबई, दि. २५ (एमएमसी न्यूज नेटवर्क): जागतिक मोडी लिपी प्रसार समिती, स्वातंत्र्यवीर सावरकर राष्ट्रीय स्मारक आणि शिवराज्याभिषेक समिती यांच्या संयुक्त विद्यमानं महाराष्ट्र दिनी १ मे २०२३ ला महाराष्ट्रातील मुंबई, पुणे, अहमदनगर आणि कोल्हापूर या चार शहरांमध्ये एकाचवेळी आणि एकाच दिवशी सुंदर मोडी हस्ताक्षर स्पर्धा आणि मोडी लिप्यंतर स्पर्धा आयोजित करण्यात येत आहे.
मोडी लिपीच्या प्रचारासाठी घेण्यात येणाऱ्या या स्पर्धेचं हे सातवं वर्ष आहे. या स्पर्धेसाठी २९ एप्रिल २०२३ पर्यंत नोंदणी करणं आवश्यक आहे. मुंबईमध्ये स्वातंत्र्यवीर सावरकर राष्ट्रीय स्मारकात ११:०० वाजता स्पर्धेला सुरुवात होणार आहे.
मोडी लिपी स्पर्धेसाठी सहभागी होणाऱ्यांनी स्पर्धकांनी स्वतःचं पेन, बोरू, टाक, पेन्सिल, खोडरबर, फूट पट्टी आणि पॅड स्वत: आणावं. स्पर्धकांना कागद पुरवले जातील. शीघ्र मोडी लिप्यंतर स्पर्धेसाठी एक पेशवेकालीन कागद असेल आणि त्यासाठी एक तास दिला जाईल. पहिल्या तीन विजेत्यांना पारितोषिके दिली जातील. अधिक माहितीसाठी मुंबई ९८६९२२०२२३ / ०२२-२४४६५८७७, पुणे ९८९०६००७०८, अहमदनगर ९३७२१५५४५५ आणि कोल्हापूर ९४२००३९४९४ संपर्क साधण्याचं आवाहन करण्यात आलं आहे.
SL/KA/SL
25 April 2023
