देशात आता LPG ATM सुरू
मुंबई, दि. २० : भारत पेट्रोलियम कॉर्पोरेशन लिमिटेडने (BPCL) गुरुग्राममध्ये LPG ATM सुरू केले आहे. हा एक प्रायोगिक प्रकल्प म्हणून सुरू करण्यात आला आहे. लोकांना दिवसाचे २४ तास सहज आणि जलद गॅस उपलब्ध करून देण्याच्या उद्देशाने भारत पेट्रोलियम कॉर्पोरेशन लिमिटेडची उपकंपनी असलेल्या भारत गॅसने ही सुविधा एक प्रायोगिक प्रकल्प म्हणून सुरू केली आहे. सध्या, ही सुविधा स्थानिक भारत गॅस एजन्सीशी संलग्न असलेल्या ग्राहकांपुरती मर्यादित आहे. मात्र, हा एक प्रायोगिक प्रकल्प म्हणून सुरू करण्यात आला आहे आणि यशस्वी झाल्यास भविष्यात याचा विस्तार इतर शहरांमध्ये आणि प्रदेशांमध्ये केला जाऊ शकतो.
LPG ATM पूर्णपणे डिजिटल आणि स्वयंचलित प्रणालीवर चालते. ग्राहक काही सोप्या टप्प्यांमध्ये त्यांचे सिलेंडर भरू शकतात. यासाठी त्यांना मशीनवर त्यांचा नोंदणीकृत मोबाईल नंबर टाकावा लागेल, ओटीपी वापरून त्याची पडताळणी करावी लागेल आणि नंतर रिकाम्या सिलेंडरवरील क्यूआर कोड किंवा बारकोड स्कॅन करावा लागेल. यानंतर, UPI, डेबिट कार्ड किंवा इतर डिजिटल माध्यमांचा वापर करून पेमेंट करणे आवश्यक आहे. प्रक्रिया पूर्ण झाल्यावर मशीन रिकामा सिलेंडर स्वतःकडे ठेवते आणि २ ते ३ मिनिटांत भरलेला सिलेंडर देते.
या LPG ATM मशीनमध्ये १० गॅस सिलेंडर ठेवण्याची क्षमता आहे. मशीनमधील एलपीजीचा साठा कमी झाल्यास जवळच्या गॅस एजन्सींना सतर्क करणारी प्रणाली देखील यात आहे. यामुळे गॅसचा वेळेवर पुरवठा सुनिश्चित होतो.
SL/ML/SL
