पुण्यातल्या १८३० भोंग्यांचं सर्वेक्षण होणार, आवाजाच्या मर्यादांचे पालन न केल्यास कारवाई
पुण्यातील १८३० भोंग्यांचं सर्वेक्षण होणार आहे. पुणे शहरामध्ये सर्वधर्मीय धार्मिक स्थळांवर हे भोंगे असल्याची नोंद पोलीसांकडे आहे. सर्वेक्षणादरम्यान अनधिकृत भोंग्यांची माहिती घेण्याचे आदेश पोलीस आयुक्तांनी ठाण्यांना दिलेले आहेत. सर्वोच्च न्यायालयाच्या निर्णयाच्या आदेशाचं पालन करण्याचे आदेश राज्य शासनाने दिले आहेत.राज्य शासनाच्या आदेशानुसार दिवसा 55 डेसिबल, तर संध्याकाळी 45 डेसिबल आवाजाची मर्यादा निश्चित करण्यात आलेली आहे. आवाजाच्या मर्यादेचे उल्लंघन करणाऱ्यांवर कारवाई होणार आहे. पुणे पोलीस आयुक्त अमितेश कुमार यांनी बुधवारी (दि. 12 मार्च) पुण्यातील सर्व पोलीस ठाण्यांच्या प्रमुखांची बैठक घेतली. त्यावेळी त्यांनी ही माहिती दिली.
