मीरा – भाईंदरमध्ये सात जणांना जखमी करणारा बिबट्या अखेर जेरबंद
मुंबई, दि. 19 : राज्यभर धुडगुस घालून दहशत निर्माण करणारा बिबट्या आता मीरा-भाईंदर शहरातही दाखल झाला आहे. मीरा भाईंदर येथे दाट लोकवस्तीच्या इमारतींमध्ये शिरलेल्या बिबट्याला अखेर वनविभागाच्या पथकाने सुमारे सहा ते सात तासांच्या अथक प्रयत्नांनंतर जेरबंद केले आहे. बिबट्याच्या हल्ल्यात सात जण जखमी झाले असून, त्यांच्यावर उपचार सुरू आहेत. या घटनेमुळे परिसरात सकाळी भीतीचे वातावरण होते.
मिळालेल्या माहितीनुसार, मीरा भाईंदरमधील एका इमारतीच्या परिसरात बिबट्या शिरल्याचे सकाळी निदर्शनास आले. वनविभाग आणि पोलिसांनी तातडीने घटनास्थळी धाव घेतली. अनेक तासांच्या प्रयत्नांनंतर बिबट्याला डार्ट मारून बेशुद्ध करण्यात आले आणि जाळ्यात पकडण्यात यश आले. स्थानिक आमदार प्रताप सरनाईक यांनी जखमींच्या उपचाराची जबाबदारी घेतली आहे. जेरबंद केलेल्या बिबट्याला बोरीवली राष्ट्रीय उद्यानात सोडण्यात येणार आहे. बिबट्या मानवी वस्तीत कसा आला, याचा शोध घेतला जाईल असे सरनाईक यांनी सांगितले.
SL/ML/SL
