वैष्णोदवी यात्रा मार्गावर दरड कोसळल्याने तिघांचा मृत्यू, अनेक लोकं अडकले
वैष्णोदेवी यात्रेच्या मार्गावर पदयात्रा जिथून जाते त्या भागात दरड कोसळली आहे. या दुर्घटनेत तीन यात्रेकरूंचा मृत्यू झाला आहे. एक भाविक जखमी असून काही यात्रेकरू अडकले असण्याची शक्यता वर्तवली जात आहे. या घटनेनंतर प्रशासनाने मदत व बचावकार्य हाती घेतले आहे. जखमी यात्रेकरूला प्राथमिक उपचारासाठी जवळच्या रुग्णालयात नेलं आहे. त्याची प्रकृती स्थिर आहे. प्रशासनाने यात्रेकरुंना सतर्क राहण्याचं आवाहन केलं आहे. भूस्खलनानंतर यात्रेचा मार्ग बंद आहे. लवकरच मलबा हटवून वाट मोकळी करून दिली जाईल असंही प्रशासनाने सांगितलं आहे.
