खासदार वसंतराव चव्हाण यांचे निधन
नांदेड, दि. 26 (एमएमसी न्यूज नेटवर्क) : नांदेड चे काँग्रेस खासदार वसंतराव चव्हाण यांचे उपचार सुरू असताना आज पहाटे हैद्राबाद येथे दुःखद निधन झाले. नुकत्याच झालेल्या लोकसभा निवडणुकीत त्यांनी विजय मिळवला होता. नायगांव नगरीचे सरपंच, आमदार आणि खासदार असा त्यांचा राजकीय प्रवास राहिला आहे. सर्वसामान्यांच्या साठी कायम संपर्कात असणारे, अनुभवी आणि जाणते नेतृत्व आज कळाच्या पडद्याआड गेले.
नांदेडचे काँग्रेस खासदार वसंत चव्हाण यांचे निधन झाल्याची दुर्दैवी बातमी समोर आली आहे. हैदराबाद येथील किम्स रुग्णालयात उपचार सुरु असताना त्यांची प्राणज्योत मालवली. आज पहाटे त्यांनी अखेरचा श्वास घेतला. गेल्या दोन आठवड्यांपासून त्यांच्यावर रुग्णालयात उपचार सुरु होते. मात्र त्यांची मृत्यूशी झुंज अपयशी ठरली.
यकृतामध्ये इन्फेक्शन झाल्यामुळे वसंतराव चव्हाण यांना नांदेडमधील खासगी रुग्णालयात दाखल करण्यात आले होते. त्यांना श्वास घेण्यास अडचण येत होती. तसंच कमी रक्तदाबाचा त्रासही होत असल्याचे डॉक्टरांनी सांगितले होते. त्यानंतर चव्हाणांना एअर अॅम्ब्युलन्सने हैदराबादला नेण्यात आले होते.
ML/ML/PGB
26 Aug 2024
