IRCTC कडून MOSD पर्यटन मॉडेलची घोषणा
मुंबई दि २७ – भारताच्या पर्यटन क्षेत्रासाठी एक महत्त्वाची पायरी म्हणून इंडियन रेल्वे केटरिंग अ‍ॅण्ड टुरिझम कॉर्पोरेशन (IRCTC) ने आज आपल्या मल्टिपल ओरिजिन, सिंगल डेस्टिनेशन (MOSD) या अभिनव मॉडेलची घोषणा केली. मुंबईतून जाहीर करण्यात आलेल्या या उपक्रमामुळे भारतातील विविध शहरांतून प्रवास करणाऱ्या पर्यटकांना एका आंतरराष्ट्रीय ठिकाणी सहजतेने एकत्र येण्याची सुविधा उपलब्ध होणार आहे. प्रादेशिक कार्यालयांतून समन्वयित उड्डाण व्यवस्था करून हा प्रवास अधिक सुटसुटीत करण्यात येणार आहे.
नवीन MOSD मॉडेल – प्रवासाचा अभिनव अनुभव
या MOSD मॉडेलद्वारे देशभरातील वेगवेगळ्या शहरांतून निघणारे पर्यटक एका ठराविक आंतरराष्ट्रीय स्थळी एकत्र येऊ शकतील. IRCTC च्या प्रादेशिक कार्यालयांमार्फत समन्वय साधून सर्व प्रस्थानाचे नियोजन केले जाईल.
IRCTC च्या अंदाजानुसार, या मॉडेलअंतर्गत येत्या महिन्यांत 100 हून अधिक प्रवासी आंतरराष्ट्रीय पर्यटनाचा लाभ घेतील. अधिकाऱ्यांनी याला “बहुउत्पत्ती आणि एकगंतव्य प्रवासाला एकत्र करणारा महत्वपूर्ण टप्पा” असे संबोधले.
MOSD अंतर्गत जाहीर आंतरराष्ट्रीय टूर पॅकेजेस
IRCTC ने MOSD मॉडेलअंतर्गत दोन मोठी आंतरराष्ट्रीय पर्यटन पॅकेजेस जाहीर केली आहेत:
- दुबई टूर
प्रस्थान: 22 जानेवारी 2026 (मुंबईहून)
कालावधी: 4 रात्री / 5 दिवस
स्थळे: दुबई आणि अबू धाबी
किंमत: ₹91,500 प्रति व्यक्ती (ट्विन शेअरिंग)
- ग्रँड युरोप टूर
प्रस्थान: एप्रिल व जून 2026
कालावधी: 12 रात्री / 13 दिवस
स्थळे: पॅरिस, ब्रुसेल्स, अॅमस्टरडॅम, कोलोन, मॅनहाइम, झुरिच, इन्सब्रुक, व्हेनिस, पीसा, फ्लोरेन्स, रोम आणि मिलान
अर्ली बर्ड सवलती
2026 मधील आंतरराष्ट्रीय प्रवासाचे नियोजन करणाऱ्या प्रवाशांसाठी IRCTC ने ₹5,000 ते ₹6,000 पर्यंतच्या अर्ली बर्ड डिस्काउंटची घोषणा केली आहे.
चेरी ब्लॉसम जपान टूर
प्रस्थान: 29 मार्च 2026 (मुंबईहून)
कालावधी: 9 रात्री / 10 दिवस
स्थळे: टोक्यो, माउंट फुजी, हाकोन, नागोया, क्योटो, ओसाका आणि हिरोशिमा
किंमत: ₹3,49,700 प्रति व्यक्ती (ट्विन शेअरिंग)
अस्टोनिशिंग ऑस्ट्रेलिया टूर
प्रस्थान: 5 मे 2026 (मुंबईहून)
कालावधी: 11 रात्री / 12 दिवस
स्थळे: मेलबर्न, केर्न्स, गोल्ड कोस्ट व सिडनी
किंमत: ₹3,90,000 प्रति व्यक्ती (ट्विन शेअरिंग)
सवलत उपलब्धतेची शेवटची तारीख: 17 डिसेंबर 2025
सवलतीसाठी अट: बुकिंगच्या वेळी 30% रक्कम भरणे आवश्यक. उर्वरित रक्कम नियोजित हप्त्यांद्वारे भरावी.
ख्रिसमस व नववर्ष विशेष पर्यटन पॅकेजेस
सणासुदीचा काळ लक्षात घेऊन IRCTC ने ख्रिसमस आणि नववर्षासाठी खास पर्यटन पॅकेजेस जाहीर केली आहेत. हे पॅकेजेस सुटसुटीत, आनंददायी आणि संस्मरणीय अनुभव देण्यावर लक्ष केंद्रित करून तयार करण्यात आले आहेत.
देशांतर्गत पॅकेजेस:
केरळ
अंदमान
दक्षिण भारत
ओडिशा
रण ऑफ कच्छ
अयोध्या
वाराणसी
सौराष्ट्र
आंतरराष्ट्रीय पॅकेजेस:
नेपाळ
श्रीलंका
सर्व पॅकेजेसमध्ये खालील सुविधा समाविष्ट आहेत:
विमानप्रवास
निवास व्यवस्था
भोजन
स्थानिक ट्रान्सफर
पर्यटनस्थळ दर्शन
टूर मॅनेजर सेवा
प्रवासी विमा
GST
IRCTC पश्चिम विभागाचे गट महाव्यवस्थापक गौरव झा यांनी सांगितले की, “हे विशेष सणासुदीचे पॅकेजेस प्रवाशांना सर्वसमावेशक सुविधा आणि उच्च दर्जाचा प्रवास अनुभव देण्यासाठी तयार करण्यात आले आहेत.”
बुकिंग कशी कराल?
अधिकृत वेबसाइट: irctctourism.com
WhatsApp/SMS: “Hi IRCTC” असा संदेश 8287931886 या क्रमांकावर पाठवा
अधिकृत ट्रॅव्हल एजंट्स देखील देशभरात उपलब्ध
MOSD मॉडेलच्या लाँचिंगसह आणि देशांतर्गत व आंतरराष्ट्रीय पॅकेजेसचा विस्तार करून IRCTC ने भारतीय पर्यटकांसाठी जागतिक दर्जाचा, सुटसुटीत आणि मूल्याधारित प्रवास अनुभव देण्याचा संकल्प पुनरुच्चारित केला आहे.ML/ML/MS
