Grammy Awards मध्ये भारतीयांचा डंका, ५ दिग्गज ठरले मानकरी
मुंबई, दि. ५ (एमएमसी न्यूज नेटवर्क) : भारतीय संगीत विश्वासाठी आजचा दिवस अविस्मरणीय म्हणावा असाच आहे. ६६ वा ग्रॅमी अवॉर्ड सोहळा आज लॉस एंजलिसमध्ये दिमाखात पार पडला.’ग्रॅमी पुरस्कार २०२४’मध्ये भारतीय संगीतविश्वासाठी काही अभिमानास्पद क्षण पाहायला मिळाले.संगीत विश्वातील एक मानाचा पुरस्कार म्हणून या ग्रॅमी अवॉर्डकडे पाहिले जाते. या सोहळ्यात शंकर महादेवन, सेल्वागणेश विनायकराम, गणेश राजगोपालन, उस्ताद झाकीर हुसेन. उस्ताद झाकीर हुसैन यांनी सर्वोत्कृष्ट बासरीवादक राकेश चौरसिया या भारतीय दिग्गजांना सन्मानित करण्यात आले आहे.
बेस्ट ‘ग्लोबल म्युजिक अल्बम’ आणि ‘ग्लोबल म्युझिक परफॉर्मन्स’ श्रेणींमध्ये भारतीयांनी बाजी मारली. सोशल मीडियावर सध्या या विजेत्यांवर शुभेच्छांचा वर्षाव होतो आहे. जगातील सर्वात मोठ्या संगीत पुरस्कारांपैकी एक असलेल्या ग्रॅमी पुरस्कार सोहळ्याला रविवारी रात्री ८.३० वाजता (भारतीय वेळेनुसार सकाळी ६.३०) सुरुवात झाली आणि सोशल मीडियावर या कार्यक्रमाची LIVE झलकही पाहायला मिळाली. झाकीर हुसैन आणि शंकर महादेवन यांच्या शक्ती’ या फ्युजन बँडच्या ‘This Moment’या अल्बमला बेस्ट ग्लोबल म्युझिक अल्बम या श्रेणीसाठी ग्रॅमी पुरस्कार प्रदान करण्यात आला. This Moment मध्ये महादेवन आणि हुसैन यांच्यासह जॉन मॅक्लॉफलिन, व्ही. सेल्वागणेश आणि गणेश राजगोपालन यांनी आपली कला सादर केली आहे.
दरम्यान, झाकीर हुसैन यांनी बेला फ्लेक आणि एडगर मेयर यांच्यासमवेत ‘पश्तो’साठी ‘सर्वोत्कृष्ट ग्लोबल म्युझिक परफॉर्मन्स’ या श्रेणीअंतर्गत ग्रॅमी पटकावला. यामध्ये सर्वोत्कृष्ट बासरीवादक राकेश चौरसिया यांचीही साथ मिळाली. हुसैन यांनी या सोहळ्याच्या एका रात्रीत तीन ग्रॅमी जिंकले, तर चौरसियाला यांनी दोन पुरस्कारांवर नाव कोरले आहे. देशातील या दिग्गज कलाकारांचा ग्रॅमी पुरस्कार सोहळ्यातील विजय पाहून प्रत्येक भारतीयाला अभिमान वाटतो आहे.
संगीतकार व ग्रॅमी अवॉर्ड विजेते रिकी केज यांनी एक्स (ट्विटर) या सोशल मीडिया प्लॅटफॉर्मवर भारतीय दिग्गजांना मिळालेल्या पुरस्काराबद्दल आनंद व्यक्त करत ही माहिती सर्वांसोबत शेअर केली. त्यांनी केलेल्या ट्वीटमध्ये असे म्हटले आहे की, ‘ग्रॅमी अवॉर्ड ‘शक्ती’ने जिंकला. या अल्बमसाठी ४ भारतीयांनी ग्रॅमी पुरस्कार जिंकले आहेत. हे कमाल आहे. भारत प्रत्येक दिशेने चमकत आहे. शंकर महादेवन, सेल्वागणेश विनायकराम, गणेश राजगोपालन, उस्ताद झाकीर हुसेन. उस्ताद झाकीर हुसैन यांनी सर्वोत्कृष्ट बासरीवादक राकेश चौरसिया यांच्यासह जिंकलेला हा दुसरा ग्रॅमी पुरस्कार आहे.’ त्यांनी असे लिहिले की, ‘उस्ताद झाकीर हुसेन यांनी एका रात्रीत तीन ग्रॅमी पुरस्कार जिंकून इतिहास रचला. राकेश चौरसिया यांनी २ पुरस्कार जिंकले. ग्रॅमी पुरस्कार सोहळ्यात भारतासाठी हे चांगले वर्ष ठरले. या सोहळ्याचा साक्षीदार होता आलं याचा मला आनंद आहे.’
SL/KA/SL
5 Feb. 2024
