भारतीय सैन्याकडून अमेरिकेला सडेतोड प्रत्युत्तर
नवी दिल्ली, दि. ५ : भारतीय सैन्याने ऑपरेशन सिंदूर दरम्यान केवळ पाकिस्तानविरुद्ध कारवाई करून दहशतवाद्यांना नेस्तनाबूत केले नाही, तर आंतरराष्ट्रीय स्तरावर अमेरिकेला देखील स्पष्ट संदेश दिला. सैन्याने ऐतिहासिक दस्तऐवज आणि वर्तमान परिस्थितीचे विश्लेषण करून पाकिस्तानला अमेरिकेकडून मिळालेल्या मदतीचा ठोस पुरावा सादर केला. १९७१ मध्ये अमेरिकेने पाकिस्तानला दोन अब्ज डॉलर्सची शस्त्रसामग्री पुरवल्याचे वृत्तपत्रातील कात्रण सैन्याच्या पूर्व कमांडने शेअर केले. या संदर्भात भारताने अधोरेखित केले की, पाकिस्तानला मदत करणाऱ्या देशांनी दहशतवादाचा अप्रत्यक्ष आधार देत आहेत.
तसेच, डोनाल्ड ट्रम्प यांच्या भारतावर केलेल्या टॅरिफ आणि तेल खरेदीविषयक टीकेला प्रत्युत्तर देताना भारताने अमेरिकेच्या दुहेरी भूमिकेला दर्शवणारे अनेक पुरावे उघड केले. पाकिस्तानमधून खोटी माहिती, बनावट इन्फोग्राफिक्स आणि दिशाभूल करणाऱ्या दाव्यांचा प्रसार सोशल मीडियावर जोरात सुरू होता, त्याला भारतीय सैन्याने पत्रकार परिषद आणि PIB Fact Check द्वारे प्रभावीपणे खंडन केले. CNN या आंतरराष्ट्रीय वृत्तसंस्थेच्या नावाने फिरणाऱ्या बनावट माहितीचा पर्दाफाश करण्यात आला आणि त्याचे सत्य समोर आणण्यात आले.
या सर्व कारवाईतून भारताने जागतिक स्तरावर असा संदेश दिला की दहशतवादाविरोधातील लढाई फक्त प्रत्यक्ष युद्धपुरती मर्यादित नाही, तर ती राजनैतिक आणि माहिती युद्धातील तंत्रावरही अवलंबून आहे. अमेरिकेच्या भूतकाळातील कृती आणि वर्तमान भूमिकेचे विश्लेषण करून भारताने ठामपणे मांडले की आम्ही ऐतिहासिक पायाभूत माहितीवर विश्वास ठेवतो आणि दहशतवादाविरोधात कोणत्याही देशाच्या अर्धवट भूमिकेला गप्प बसून स्वीकारणार नाही.
SL/ML/SL
