सुदानमधून आजवर शेकडो भारतीयांची सुटका
खार्तुम, दि. २8 (एमएमसी न्यूज नेटवर्क) : भारताने सुदानमधून आपल्या अडकलेल्या नागरिकांना बाहेर काढण्यासाठी एक बचाव मोहीम – ऑपरेशन कावेरी – सुरू केली आहे. या योजनेंतर्गत दररोज शेकडो नागरीकांना सुखरूप मायदेशी आणले जात आहे.
संघर्षग्रस्त सुदानमध्ये अडकलेल्या 135 भारतीय नागरिकांसह 10वी तुकडी पोर्ट सुदानमधून IAF C 130J फ्लाइटने यशस्वीरित्या रवाना झाली आहे, असे परराष्ट्र मंत्रालयाने (MEA) शुक्रवारी सकाळी सांगितले. ते सौदी अरेबियातील जेद्दाहच्या दिशेने निघाले आहेत. देशात लष्कर आणि निमलष्करी दलांमध्ये झालेल्या संघर्षामुळे सुदानमध्ये अडकलेल्या सर्व नागरिकांना मायदेशी परत आणण्याच्या उद्देशाने भारताने “ऑपरेशन कावेरी” सुरू केले आहे.
युद्धग्रस्त सुदानमधून बाहेर काढण्यात आलेल्या २४६ भारतीयांसह भारतीय हवाई दलाचे (IAF) विमान गुरुवारी मुंबईत दाखल झाले. सौदी अरेबियातील जेद्दाहून भारतीय वेळेनुसार सकाळी 11 वाजता उड्डाण घेतलेले विमान दुपारी 3.15 वाजता शहरातील विमानतळावर उतरले, असे एका अधिकाऱ्याने पीटीआयला सांगितले. प्रवाशांमध्ये किमान दोन व्हीलचेअर्सचा समावेश होता.
खार्तूममधील भारतीय दूतावासाच्या वेबसाइटनुसार, सुदानमध्ये सुमारे 2,800 भारतीय नागरिक होते. यासोबतच, जवळपास 1,200 लोकांचा स्थायिक भारतीय समुदाय देखील होता. जो जवळपास 150 वर्षांपासून देशात राहत आहे.
SL/KA/SL
28 April 2023
