हा आहे जगातील सर्वाधिक पगार असलेला कर्मचारी

मुंबई, दि. ५ (एमएमसी न्यूज नेटवर्क) :
भारतीय वंशाचे जगदीप सिंग हे जगातील सर्वाधिक वेतन घेणारे कर्मचारी ठरले आहेत. मनी कंट्रोलच्या रिपोर्ट नुसार, क्वांटमस्केपचे माजी संस्थापक आणि सीईओ जगदीप यांना 17,500 कोटी रुपयांचे (सुमारे $2.1 अब्ज) वार्षिक पॅकेज मिळाले आहे, जे दररोज सुमारे 48 कोटी रुपये (सुमारे $5.8 दशलक्ष) आहे.
सिंग यांच्याकडे बॅटरी तंत्रज्ञानाचे प्राविण्य आहे
जगदीप सिंग हे भारतीय-अमेरिकन उद्योगपती आणि तंत्रज्ञ आहेत. सिंग यांनी अमेरिकेतील स्टॅनफोर्ड विद्यापीठातून बी. टेकचे शिक्षण घेतले असून कॅलिफोर्निया विद्यापीठ, बर्कले येथून एमबीएची पदवी घेतली आहे.

जगदीपचा हा पगार अनेक मोठ्या कंपन्यांच्या वार्षिक महसुलापेक्षा जास्त आहे. क्वांटमस्केपच्या भागधारकांच्या वार्षिक बैठकीदरम्यान, CEO साठी अंदाजे $2.1 बिलियनचे भरपाई पॅकेज मंजूर करण्यात आले. पॅकेजमध्ये $2.3 अब्ज किमतीचे स्टॉक पर्याय समाविष्ट आहेत. स्टॉक ऑप्शन्स हा गुंतवणुकीच्या संधीचा एक प्रकार आहे, जो कर्मचाऱ्यांना त्यांच्या कंपनीचे शेअर्स भविष्यात निश्चित किंमतीवर खरेदी करण्याचा अधिकार देतो.

क्वांटमस्केप सुरू करण्यापूर्वी,जगदीश यांनी कारकिर्दीच्या सुरुवातीच्या काळात अनेक कंपन्यांमध्ये नेतृत्वाच्या पदांवर एक दशकाहून अधिक काळ घालवला. या काळात सिंग यांनी बॅटरी बनवण्यासाठी नवीन तंत्रज्ञानावर काम केले आणि या क्षेत्रात प्राविण्य मिळवले.
इलेक्ट्रिक वाहन (EV) साठी बॅटरी तंत्रज्ञान तयार करण्यात सिंग यांची स्वतःची खास ओळख आहे. त्यांनी 2010 मध्ये अमेरिकेत क्वांटमस्केपची स्थापना केली. कंपनी पुढील पिढीच्या सॉलिड-स्टेट बॅटरीज बनवण्यात माहिर आहे, जी EV चे कार्यप्रदर्शन सुधारण्यासाठी आणि चार्जिंग वेळा कमी करण्यासाठी ओळखली जाते.2020 मध्ये, क्वांटमस्केप न्यूयॉर्क स्टॉक एक्सचेंज (NYSE) वर सूचीबद्ध झाले.

SL/ ML/ SL
5 Jan. 2025