छोट्या पडद्यावरील या मराठी मालिकेत जिनिलिया देशमुखची एन्ट्री
मुंबई,दि.10 (एमएमसी न्यूज नेटवर्क) : बॉलिवुडमधील मराठी कपल रितेश आणि जिनिलिया देशमुख इस्टाग्रामवरीव धम्माल व्हिडीओंमुळे नेहमीच चर्चेत असतात. रितेशने लई भारी चित्रपटातून मराठीत अभिनयाची सुरुवात केली. मराठी चित्रपट निर्मितीमध्ये देखील तो यशस्वीपणे वाटचाल करत असते.
विशेष बाब म्हणजे जिनिलिया आता रंग माझा वेगळा या स्टार प्रवाह वरील मराठी टिव्ही सिरियलमध्ये पाहुणी कलाकार म्हणून दिसणार आहे. तर लवकरच ती वेड या चित्रपटातून मराठी अभिनय क्षेत्रात पदार्पण करणार आहे.
अलीकडच्या काळात अनेक मराठी कलाकार आपल्या चित्रपटांच्या प्रमोशनच्या निमित्ताने मालिकांमध्ये एन्ट्री करताना दिसत आहेत. जिनिलीयाची रंग माझा वेगळा या मालिकेतील एन्ट्रीदेखील तिच्या आगामी चित्रपटाच्या प्रमोशनचाच एक भाग असणार आहे. जिनिलीया लवकरच ‘वेड’ या मराठी चित्रपटातून मराठी चित्रपटसृष्टीत पदार्पण करणार आहे. तिच्यासोबत या चित्रपटात अभिनेता रितेश देशमुख मुख्य भूमिकेत आहे. शिवाय रितेशनचे या चित्रपटाच्या दिग्दर्शनाची धुरादेखील सांभाळली आहे. हा चित्रपट येत्या 30 डिसेंबर रोजी प्रेक्षकांच्या भेटीला येत आहे. त्यामुळे या चित्रपटाच्या प्रमोशनसाठी जिनिलीया या मालिकेत झळकणार आहे. ती या मालिकेत पाहुणी कलाकार म्हणून दिसणार आहे.
10 Dec. 2022
SL/KA/SL
10 Dec. 2022
