उन्नती फाउंडेशनतर्फे रोपांचे मोफत वाटप
मुंबई, दि. 1 (एमएमसी न्यूज नेटवर्क) : उन्नती सोशल फाऊंडेशन तर्फे पिंपळे सौदागर येथे नवीन वर्ष 2024 निमित्त मोफत रोपांचे वाटप करण्यात आले. 2017 पासून उन्नती सोशल फाऊंडेशन पर्यावरणाबाबत जनजागृती करण्यासाठी हा अनोखा उपक्रम राबवत आहे. वितरण स्वा. येथे झाले. पिंपळे सौदागर परिसरातील बाळासाहेब कुंजीर मैदान, शिवार चौक. 2017 पासून या उपक्रमाद्वारे एकूण 16,000 झाडांचे वाटप करण्यात आले आहे.
फाउंडेशनच्या अध्यक्षा डॉ. कुंदा भिसे म्हणाल्या, ‘‘बदललेले निसर्गचक्र आणि वातावरणीय बदलामुळे निसर्गाची अपरिमित हानी झालेली आहे. या सगळ्यावर प्रभावी उपाय म्हणजे, अधिकाधिक वृक्षारोपण करणे आणि वृक्षांचे संगोपन करणे. हीच भूमिका केंद्रस्थानी ठेवून, गेल्या ७ वर्षांपासून अविरतपणे उन्नती सोशल फाउंडेशन नागरिकांना मोफत रोप वाटप करीत आहे.’’
राजवीर रहिवासी सोसायटीचे रमेश वाणी म्हणाले , ‘‘उन्नती सोशल फाउंडेशनचा उपक्रम हा निश्चितच पथदर्शी आहे. पर्यावरण संगोपन आणि पर्यावरण जागृती संदर्भात उन्नती सोशल फाउंडेशन देत असलेले योगदान हे निश्चितच कौतुकास्पद आहे.’’
श्रीकृष्ण निलेगावकर म्हणाले, ‘‘सामाजिक उपक्रमात उन्नती सोशल फाउंडेशन नेहमीच आघाडीवर आहे. एक झाड लावूया आणि एक झाड जगवूया या भूमिकेतून नवीन वर्षाचे पर्यावरणपूरक स्वागत करण्याचा उन्नती सोशल फाउंडेशनचा उपक्रम अभिनव आहे.’’
वाल्मीक काटे, शेखर काटे, विकास काटे, अतुल पाटील, सागर बिरारी, विजय भांगरे, विठाई वाचनालयाचे सदस्य, आनंद लाफ्टर क्लबचे सदस्य, ज्येष्ठ नागरिक संघाचे विलास जोशी यांच्यासह परिसरातील नागरिकांची उपस्थिती होती. Free distribution of saplings by Unnati Foundation
ML/KA/PGB
1 Jan 2024
